Drei Brüder à la carte

Drei Brüder à la carte isch de Titel vome Schwizer Dokumentarfilm, wo d Silvia Häselbarth Stolz vom Februar 2010 bis im April 2011 drait hät und am 26. April 2012 im Kino Leuzinger z Altdorf Kinoprömiere gha hät.

Filmdate
Dütsche Titel	Drei Brüder à la carte
Originaltitel	Drei Brüder à la carte
Produktionsland	Flagge von Switzerland Schwiiz
Originalsprooch	Lozärner Mundart (Schwizerdütsch) tailwys Dütschi Undertitel
Erschiinigsjoor	2011
Lengi	73 Minute
Altersfreigoob	FSK -
Stab
Regie	Silvia Häselbarth Stolz
Dräibuech	Silvia Häselbarth Stolz
Produktion	Silvia Häselbarth Stolz
Muusig	Fred Pleszkan
Kamera	Peter Appius
Schnitt	Silvia Häselbarth Stolz Nick Schneider
Bsetzig
Andreas Wicki (* 1969), Aagstellte Markus Wicki (* 1964), Wirt und Choch Thomas Wicki (* 1963), Aagstellte Maria Wicki, Mueter und Chöchin und die ganz Chuchi- und Service-Mannschaft

Handlig

Zeigt wird im Film de Alltag vo de drü Brüeder und erer Mueter bim Schaffe im Restorant und i de Freizyt. S Bsundrige a dem Alltägliche isch, dass si versueched, s Läbe e so normal wie möglich z gstalte, obwohls alles ander als gwöhnlich isch. Zwei vo de Brüeder sind mit em Down Syndrom uf d Wält cho. Die speziell Zämearbet i dem Betriib isch e Useforderig, wo sich aber alli Beteiligte mit vil Herzbluet stelled. I dem Gasthof wird vorgläbt, wie Integrazion vo Behinderete ine normali Arbetswält funkzioniere chan und wie debii alli nu profitiere chöned.

Draiort

De Hauptschauplatz isch de Landgasthof Hirsche z Oberchöuch am Sempachersee, wo über 400 Johr alt isch. Me gseht au Ufnahme i de Umgebig und vome Usflug in Tierpark z Goldau.

D'Hersche z'Oberkerch

Kritike

„Silvia Häselbarth hat sich engagiert auf ihre Protagonisten eingelassen, ihr Vertrauen gewonnen und fängt sehr unverfälscht ein Stück normale Realität mit «nicht ganz Normalen» ein. Im Grunde genommen ist ihr Film ein Plädoyer für Mit-Menschlichkeit und Integrität. Oder wie Markus Wicki es formuliert: "Ich wünsche mir, dass Behinderte einen Platz in der Gesellschaft finden und nicht ausgegrenzt werden. Aktive Integration ist möglich.» Er macht und lebt es vor. (Rolf Breiner)“

– - cineman.ch

„Fazit: Drei Brüder á la Carte ist nett, liebevoll gedreht und bietet angenehme Figuren. Ebenso wird die Thematik der Behinderung gut aufgezeigt, und dies auf einem Niveau, das auch diejenigen anspricht, die sonst bei behinderten Menschen die Nase rümpfen. Das muss nicht sein - dieser Film beweist es.“

– - outnow.ch

Festivals

• 34. Biberacher Filmfestspiele November 2012 (im Wettbewerb)
• Fünf Seen Film Festival, August 2012 (im Wettbewerb)
• Flying Broom Int. Women's Film Festival, Ankara, 10. bis 17. Mai 2012 (im Wettbewerb)
• 26. Bozner Filmtage, 18. - 22. April 2012 (Wettbewerb Dokumentarfilm)
• LIFF Lucerne Internatiaonal Film Festival, 18. - 22. Oktober 2011 (nominiert)

Weblinks

• Website vom Film «Drei Brüder à la carte»
• Drei Brüder à la carte, Informatione bi Swiss Films, abgrüeft am 27. Oktober 2013