Eidgnosseschaft
|
Dä Artikel behandlet dr Begriff Eidgenosseschaft wien er in der Schwiiz brucht wird. Für anderi Bedütige vom Begriff "Eidgenosseschaft" lueg do. |
Eidgenosseschaft isch der Name vom Bund vo de Schwiizer Kantön gsi, wo sich mit beeidete Bundesbrief vom Ändi vom 13. Johrhundert aa zum ene Staatebund zsämmegschlosse hai.
Vo 1353 bis 1501 het de Bund acht und vo 1513 bis zum Iimarsch vo de Franzose 1798 drizäh Mitglider ghaa.
Eidgenosse isch die konventionelli Übersetzig vom latinische Begriff conspiratores (eigentlich «Verschwörer») im Bundesbrief worde.
«Eidgenosseschaft» wird au as dr inoffizielli Name für de schwiizerischi Bundesstaat vo 1848 brucht. Er berueht uf de Ideeä vom 19. Jahrhundert über de Rütlischwur, luut em Bundesbrief en Eid, wo 1291 die drüü Urkantön gleischtet händ, mitem Inhalt, dass si sich gäge d Habsburger biischtaa händ welle und en eigeni Grichtsbarkeit underhalte.
De offizielli Name «Schweizerische Eidgenossenschaft» für d Schwiiz isch nach 1848 ehner äs nostalgisches Relikt, und i de andere Bundes-Spraache heisst d'Schwiiz eifach «Schwiizerbund» (und uf Latiinisch, Confoederatio Helvetica «Helvetische Bund», au en ehner anachronistische Name, wo vor allem dur d'Romantik erchlärt isch). Eidgenoss als ä Bezeichnig für en Schwiizer wird dementsprächend au fascht nume no ironisch pruucht.
Übrigens chunnt s franzeesisch Wort Huguenot (die franzeesische Proteschtante, lueg Hugenotte) vermuetli vo Eidgnoss.