Schläpfer Ernst
De Schläpfer Ernst (* 7. Dezember 1955 im Appezell Osseroode) isch en ehemoliger Schwiizer Schwinger. Im 1980 und im 1983 isch er Schwingerkönig worde.
Schwinge ändere
De Schläpfer Ernst het insgsamt 49 Kranzfäscht gwunne und insgsamt 87 Kränz. Be de Eidgnössische Schwing- und Älplerfäscht z Sanggalle udn z Langetau isch er jewils König worde und im 1986 z Sion het er de dritte Titel numme knapp verpasst. Im Schlussgang het er gäge de Innerschweizer Harry Knüsel verlore.
Privats ändere
Im 1988 het de Schläpfer Ernst an de ETH promoviirt mit ere Dissertation zum Thema «Bewertung und Einschätzung von Schlachttieren der Kategorien Kühe, Jungbullen und Kälber unter schweizerischen Verhältnissen». Vo Bruef isch er hüt Rektor vom Bruefsbildigszentrum z Schaffhuse. Er isch vo 2008 bis 2012 Obmaa (Präsident) vom Eidgenössische Schwingerverband.[1]
Fuessnote ändere
- ↑ John wird Nachfolger von Schläpfer! Artikel uf blick.ch vom 20. Dezember 2011