As Etapperenne bezeichnet mä alli Velorenne, wo währed mehrere Däg nochenander einzelni Velorenne – so genannti Etappen – usdrait wärde. Im Gegesatz zu Rennserie si d Gsamtklassemänt, wo din alli Wärtige vo de Etappe zämmezelt wärde, wichdiger as die däglige Resultat. Im 19. Johrhundert het s Renne gee, wo immer lenger worde si, wi s Paris-Brest-Paris, wo über 1200 km lang gsi isch. Dorum het mä 1903 in dr erste Tour de France d Rennstrecki in dägligi Etappe iideilt. 1908 het isch noch däm Vorbild en Etapperenne z Belgie organsiert worde und 1909 dr Giro d’Italia.

D Charte vo dr Tour de France 1905

Die wichdigste Etapperenne si d «Grand Tours», die Grosse Drei, wo jedi drvo drei Wuche lang duurt: d Tour de France, dr Giro d Italia und d Vuelta a España (sit 1935). Die chürzere Toure wie d Tour de Suisse, s Critérium du Dauphiné oder d Tour de Romandie, wo au für s UCI World Ranking zelle, wärde hüte vo de grösste Fahrer hüfig nume as Vorbereitig uf die Grosse Drei aagluegt.