Giro d’Italia
Dr Giro d’Italia wird as s zweitwichtigste Etappevelorenne für Manne agluegt – noch dr Tour de France und vor dr Vuelta a España. Sit 1909 wird er – mit Usnahm vo de Chriegsjohr im Erste und im Zweite Wältchrieg – jedes Johr im Früehlig z Italie usdrait. Sit 1988 git s au e Giro für Fraue, dr Giro d’Italia Femminile. Sit 2008 isch er nüme Deil vo dr UCI Pro Tour. Dr Giro isch sportlig sehr aspruchsvoll. Er bestoht us Flachetappe, Bärgetappe und Ziitfahrte. Dr Verastalter brobiert, die verschiidene Etappearte so z kombiniere, ass kei Fahrertyp favorisiert wird, dass also nit d Spezialiste, wie Ziitfahrer und Chlätterer, im Vordeil si, sondern Fahrer, wo bi allem chönne mithalte.
| Giro d’Italia | |
 Dr Danilo di Luca in Rosa bim Giro d’Italia 2009 | |
| Uusdragigsland |  Italie
|
| Uusdragigszytruum | Mai-Juni |
| Ränntyp | Etapperänne |
| Organisator | RCS Sport |
| Erschti Uflag | 1909 |
| Erschte Siiger |  Luigi Ganna
|
| Rekordsiiger | Je 5 Siig: Alfredo Binda Fausto Coppi.svg){kind=small} Eddy Merckx
|
D Klassemänt
ändereJedi Etappe isch es chliis Renne für sich, wo d Fahrer sich je noch ihrer Fahrstrategii sterker oder weniger stark iisetze drbii. D Ziite won e Fahrer für alli Etappe bruucht, wärde zsämmegrächnet und ergähn si Rang im Gsamtklassemänt. Dr Erst im Gsamtklassemänt drait d Maglia Rosa, s roserote Liibli, wo si Farb vom Sponser vom Giro, dr Gazzetta dello Sport, übernoh het. Dä, wo in dr Bärgwärtig füehrt, bechunnt e grüens Trikot (Maglia verde) und dr Erst in dr Punktwärtig e malvefarbigs Liibli (Maglia ciclamino). Für en erst Blatz im Intergiro het mä e blaus Trikot (Maglia azzurra) übercho; die Wärtig isch aber 2007 abgschafft worde und es wisses Liibli (Maglia bianca) wird sidder im beste Jungprofi im Gsamtklassemänt vergee.
Rekord bim Giro
ändere
Drei Fahrer, d Italiäner Alfredo Binda und Fausto Coppi und dr Belgier Eddy Merckx, hai fümfmol s Gsamtklassemänt bim Giro gwunne. Dr Mario Cipollini het am meiste einzelni Etappe gwunne, 42, eini meh as dr Alfredo Binda. Dr Alessandro Petacchi het 2004 im ene einzige Giro nüün Etappe gwunne, nodäm vor em Chrieg dr Alfredo Binda 1927 zwölf Etappe gwunne het. Dr chliinst Vorsprung vom Siiger uf dr Zweit im Gsamtklassemänt, nämlig nume elf Sekunde, het dr Ezio Cecchi 1948 gha. Die chürzist Etappe isch 2005 nume 1,15 km lang gsi. Dr lengst Giro het 1954 stattgfunde und het e Streckelengi vo 4337 km gha, dr chürzist isch dä vo 1909 gsi mit 2245 km. Au bi dr Zahl vo de Fahrer het s grossi Underschiid ge: 1928 sii s 298 gsi und am wenigste Fahrer het s 1912 gha, wo nume 56 mitgfahre si. Zwei Johr spöter hai zwar meh Fahrer s Renne agfange, aber nume acht si am Ziil acho. Dr jüngst Siiger im Giro isch dr Fausto Coppi gsi, won er 1940 im Alter vo 20 Johr, 8 Möned und 25 Däg gwunne het, dr eltist isch 1955 dr Fiorenzo Magni gsi, won er fümfedrissgi gsi isch. Meh as jede andere isch dr Felice Gimondi uf em Siigerpodium vom Gsamtklassemänt gstande: drei Mol as Erste, zwei Mol as Zweite und vier Mol as Dritte.
Siigerliste
ändere.svg){kind=small}
.svg){kind=small}
.svg){kind=small}
.svg){kind=small}
.svg){kind=small}
.svg){kind=small}
Weblingg
ändere
Commons: Giro d'Italia – Sammlig vo MultimediadateieFuessnoote
ändere- ↑ Wäge Doping disqualifiziert