Dr Tony Rominger (* 27. Merz 1961 z Vejle, Dänemark) isch en ehemolige Schwiizer Velorennfahrer.

Tony Rominger Straßenradsport
Personedate
Geburtsdatum 27. Merz 1961
Nation SchweizSchweiz Schwiz
Disziplin Stross
Fahrertyp All-rounder
Internationali Team
1986
1987
1988-1990
1991
1992-1993
1994
1995-1996
1997
Cilo Aufina
Brianzoli
Chateau d'Ax
Toshiba
CLAS
Mapei-CLAS
Mapei
Cofidis
Wichtigsti Erfolg

Goldigs Trikot Vuelta a España 1992, 1993, 1994
Rosa Trikot Giro d’Italia 1995
s roote Punggtliibli Bärgklassemänt bi der Tour de France 1993
Tirreno-Adriatico 1990
Paris-Nice 1991, 1994
Gäls Trikot Tour de Romandie 1991, 1995
Gäls Trikot Baskeland-Rundfahrt 1992, 1993, 1994
21 Etappesiig bin ere groosse Tour
Stundewältrekord 1994

Infobox zletzt aktualisiert: 18. 9. 2010
Dr Toni Rominger bi Paris-Nizza 1993

Karriere ändere

Dr Tony Rominger isch vo Bruef Buechhalter gsi, und isch im Alter vo 25 relativ spoot Radprofi worde. Noch e baar guete Platzierige am Afang vo sinere Karriere het er 1989 si erste Eidags-Klassiker, d Lombardei-Rundfahrt, gwunne.

In de Johr druf het er sich zum ene Allrounder entwigglet und het 1992 zum erste Mol d Vuelta a España gwunne, won er derbii bis 1994 as erste Radprofi überhaupt dreimol noch enander triumphiert het. 1995 het er au der Giro d’Italia gwunne.

Bi der Tour de France het der Rominger aber immer wider gegen e Miguel Induráin verlore, het aber immerhi 1993 der Spanier in däm siiner Spezialdisziplin, em Zitfahre, chönne schloo und het sich usserdäm s Bärgliibli gholt.

1994 het der Rominger sim Rival Induráin der Stundewältrekord abgnoh und het Distanz, won er in einere Stund uf eme Spezialvelo gfahren isch uf über 55 Kilometer vergrösseret.

Bruef und Familie ändere

Noch em Ändi vo siner Karriere 1997 het der Rominger zitwiis as Velosport-Kommentator für e TV-Sänder Eurosport gschafft. Bis 2004 het er bi der internationale Sportleragentur IMG gschafft. Er isch bis hüte Manager vom ene Hufe Velorennfahrer, unter anderem vom Matthias Kessler, Patrik Sinkewitz, Andreas Klöden und Alexander Winokurow. Dreine vo dene, em Kessler, em Sinkewitz und em Winokurow, het me 2007 Doping nochgwiise.

2004 het der Rominger under anderem d Tour de Suisse organisiert.

Der Rominger het zwei Chinder us ere früehnere Hürot und isch sit 18. Mai 2009 mit der Schwiizer Sängere und Moderatorin Francine Jordi verhürotet.

Sit 2008 isch der Rominger Markepartner vom spanische Undernähme Bikecontrol M. Mauri. Die Firma vom ehemolige Radprofi Melchor Mauri isch uf Indoor Cycling spezialisiert.

Palmarès ändere

  • Vuelta a España (1992, 1993, 1994)
  • Giro d’Italia (1995)
  • Vuelta al Pais Vasco (1992, 1993, 1994)
  • Tour de Romandie (1991, 1995)
  • Paris-Nizza (1991, 1994)
  • Bärgliibli bi der Tour de France (1993)

Dr Rominger bi der Tour de France ändere

  • 1988 68. Platz
  • 1990 57. Platz
  • 1991 nid mitgmacht
  • 1992 nid mitgmacht
  • 1993 2. Platz
  • 1994 usgschiide
  • 1995 8. Platz
  • 1996 10. Platz
  • 1997 usgschiide

Uszeichnige ändere

Weblingg ändere