Tour Down Under
D Tour Down Under isch e Radränne im auschtralische Bundesstaat South Australia um d Hauptstadt Adelaide. Des Etapperänne ghert syt 2008 zue dr anne 2005 nej yygfierte UCI ProTour, dr Serie vu dr wichtigschte Radränne im Johr. S isch in d Kategorii 2.HC yygstapflet un ghert syt 2005 zue dr UCI Oceania Tour.
| Tour Down Under | |
 Tour Down Under 2007 | |
| Uusdragigsland |  Australie
|
| Uusdragigszytruum | Jänner |
| Ränntyp | Etapperänne |
| Erschti Uflag | 1999 |
| Erschte Siiger |  Stuart O’Grady
|
| Rekordsiiger | Simon Gerrans (3 Siig)
|
D Rundfahrt isch anne 1999 zem erschte Mol uusdrait wore. un findet alljohr Mitti Jänner statt. Si isch vu dr Tourismuskommission vu South Australia ins Läbe gruefe wore go dr Bundesstaat im Uusland represäntiere un isch s einzig wichtig Profiradränne z Auschtralie. Vili europäischi Mannschafte nutze d Tour Down Under as Vorbereitig fir d Saison, wu im März mit Paris-Nizza un Tirreno-Adriatico aafangt, wel z Europa no Winter isch, derwylscht d Fahrer vu dr auschtralische Team im Hochsummer uf dr Sidhalbchugle in Top-Form sin. D Tour Down Under stoht alljohr im Mittelpunkt vum "Festival of Cycling",ere Veraastaltigsreihe, wu s sich z South Australia alles um s Fahrrad drillt. Wel s bi däm Ränne keini greßere Aastig git, gwinne vilmol reini Sprinter oder Uusrysser. Rekordsiiger sin dr Simon Gerrans un dr Daryl Impey, wu s Ränne je dreimol gwunne hän. Dr einzig Siiger us dr Schwyz isch dr Martin Elmiger 2007 gsi, dr ainzig dytsch dr André Greipel anne 2008 un 2010.
Siigerlischt ändere
 Johr | Siiger | Zwaite | Dritte | |
|---|---|---|---|---|
| 1999 | Stuart O'Grady |  Jesper Skibby |  Magnus Bäckstedt | |
| 2000 |  Gilles Maignan | Stuart O'Grady |  Steffen Wesemann | |
| 2001 | Stuart O'Grady | Kai Hundertmarck |  Fabio Sacchi | |
| 2002 | Michael Rogers |  Alexander Bocharov | Patrick Jonker | |
| 2003 |  Mikel Astarloza | Lennie Kristensen | Stuart O'Grady | |
| 2004 | Patrick Jonker | Robbie McEwen | Baden Cooke | |
| 2005 | Luis León Sánchez | Allan Davis | Stuart O'Grady | |
| 2006 | Simon Gerrans | Luis León Sánchez | Robbie McEwen | |
| 2007 |  Martin Elmiger | Karl Menzies | Lars Bak | |
| 2008 | André Greipel | Allan Davis | José Joaquín Rojas | |
| 2009 | Allan Davis | Stuart O'Grady | José Joaquín Rojas | |
| 2010 | André Greipel | Luis León Sánchez |  Greg Henderson | |
| 2011 | Cameron Meyer | Matthew Goss | .svg){kind=small} Ben Swift | |
| 2012 | Simon Gerrans | Alejandro Valverde |  Tiago Machado | |
| 2013 |  Tom-Jelte Slagter | Javier Moreno | Geraint Thomas | |
| 2014 | Simon Gerrans | Cadel Evans | Diego Ulissi | |
| 2015 | Rohan Dennis | Richie Porte | Cadel Evans | |
| 2016 | Simon Gerrans | Richie Porte |  Sergio Henao | |
| 2017 | Richie Porte | Esteban Chaves | Jay McCarthy | |
| 2018 |  Daryl Impey | Richie Porte | Tom-Jelte Slagter | |
| 2019 | Daryl Impey[1] | Richie Porte | Wout Poels | |
| 2020 | Richie Porte | Diego Ulissi | Simon Geschke | |
| 2021 | abgsait | |||
| 2022 | abgsait | |||
| 2023 | Jay Vine | Simon Yates | Pello Bilbao | |
| 2024 | Stephen Williams |  Jhonatan Narváez |  Isaac Del Toro | |
Weblink ändere
Commons: Tour Down Under – Sammlig vo Multimediadateie- Offiziälli Websyte
- Tour Down Under in dr Datebank vu Radsportseiten.net
Fueßnote ändere
- ↑ (fr) Tour Down Under : Richie Porte remporte l'étape reine, Daryl Impey le classement final, lequipe.fr, 20 Jänner 2019.