Alemannische Wikipedia

d’ Öiropäischa Schüal vu Schtroossburi

BW

Öiropäischa Schüal vu Schtroossburi
Schueltyp Öiropäischa Schüal
Gründigsjohr 2008
Adräss

2, Rue Peter-Schwarber

Ort Ruprechtsau, Schtroossburi
Département Bas-RhinVorlage:Infobox Schule/Wartung/ISO 2!
Staat Frankreich
Koordinate 48° 35′ 58″ N, 7° 46′ 37″ OKoordinate: 48° 35′ 58″ N, 7° 46′ 37″ O
Schüelerzahl 967 (Schtànd: 2018/2019)
Lehrerzahl 79 (Schtànd: 2018/2019)
Leitig Olivier Tedde[1]
Website https://www.ee-strasbourg.eu
Dialäkt: Mìlhüüserisch

D’ Öiropäischa Schüal vu Schtroossburi (frz. École européenne de Strasbourg) ìsch a dräischproochiga frànzeescha Schüal z’ Schtroossburi ìm Unterelsàss. Sa ìsch aina vu da 13 Öiropäischa Schüala ìn dr Öiropäischa Union. Sa hàt Klàssa vum Kìndergàrta bis zem Gymnàsium un beraitet d’ Schialer fìrs Öiropäischa Àbitüür uff Frànzeesch, Diitsch un Anglisch vor.

Gschìcht

ändere

D’ Idee vun’ra Öiropäischa Schüal ìn dr elsassischa Hàuiptschtàdt ìsch àm Ààfàng vu da 2000er Joohra äntschtànda. Dr äärschta schtällvertrattenda Bìrgermaischter vu Schtroossburi Roland Ries hàt ànna 2001 ìm frànzeescha Premierminìschter Lionel Jospin a Berìcht gschrìewa, wu-n-’r ämpfoohla hàt, a schpeziälla Schüal fìr d’ Kìnder vun öiropäischa Beàmter z’ grìnda.[2] Sitter 1962 hàt d’ diitscha Schtàdt Karlsrüah a Öiropäischa Schüal ghàà, wu jeedsjoohr äbb 50 Schtroossburjer Kìnder gsìì sìnn. Ànna 2007 hàt d’ Bìrgermaischtera vu Schtroossburi Fabienne Keller dr Schtààtspresidànt Nicolas Sarkozy àns Projakt vu dr Öiropäischa Schüal vu Schtroossburi ärìnnert.[2] Àm 7. Septamber 2007 ìsch d’ Àkta fìr d’ Grìndung iigraicht worra.[3] D’ Öiropäischa Schüal ìsch ànna 2008 gäffnet worra, ìn vorlaifiga Räumligkaita-n-àm Boulevard d’Anvers ìm Schtàdtviartel Fufzehnerwoerth.[2] Ìm äärschta Joohr sìnn 236 Schialer gsìì.[4]

Ìm Septamber 2015 hàt d’ Schüal ìn näija Gebäijer ìm Viartel Ruprechtsau, grààd biim Sìtz vum Öiropäischa Pàrlàmant, gwàndelt. Iigwäijt worra sìnn d’ näija Räumligkaita vum frànzeescha Bìldungsminìschter Xavier Darcos.[5] D’ Gebäijer vun’ra Flächa vu 25.002 Kwàdràtmeeter[6] sìnn àb’m Harbscht 2013 vum Mìnchner Àrkitäcktüürburoo Auer Weber mìt Hìlf vum Mìlhüüser Unternamma DRLW Architectes bàuia worra gsìì.[7][8] D’ Àrweeta hann äbb 34,1 Millioona Euro koschta;[9][10] drfìr hann d’ Schtàdt Schtroossburi, s’ Département Unterelsàss un d’ Regionààlverwàltung gezàhlt.[11] Dr Grundschtìck vun äbb 5 Millioona Euro hàt dr frànzeescha Schtààt gaa.[2] Ìm März 2019 ìsch verkìndigt worra, àss’s Schüalgebäi vergreessert wara wìrd.[12]

Ìm Janner 2018 hàt dr frànzeescha Bìldungsminìschter Jean-Michel Blanquer behàuipta, àss’r sìch vu dr Öiropäischa Schüal vu Schtroossburi looh iiflössa wìrd, fìrs frànzeescha Grundschüalsyschtääm wìeder uffschtälla.[13]

Lehrplàn, Lehrer un Schialer

ändere

Ìn dr Öiropäischa Schüal vu Schtroossburi sìnn äbb 40 Klàssa vum Kìndergàrta bis zem Gymnàsium. Obwohl d’ Lehrànschtàlt zem Schüalbezirk Schtroossburi gheert, folgt sa nìt em frànzeescha Lehrplàn, àwwer ema öiropäischa Lehrplàn, wo d’ Bìldungsminìnschter vu da 27 EU-Lander biigschtìmmt hann.[14] D’ Schüal bschteht üss’ra frànzeescha, era diitscha un era anglischa Àbtailung —drzüa sìnn Schpànisch- un Itàlianischunterrìchta. Ìn dr Schüal wara-n-àui Moràllehr- un Religioonsunterrìchta (kàthoolisch, evànggelisch, jìddisch) ààgbotta.[15] Ìn dr lätschta Klàssa wìrd s’ Öiropäischa Àbitüür gmàcht. Ànna 2020 hann 100 Prozant vu da Schialer s’ Öiropäischa Àbitüür bschtànda.

D’ Öiropäischa Schüal kààt bis 1.176 Schialer ämpfànga. Ìm Schüaljoohr 2018/2019 hàt sa 967 Schialer[16] üss 48 Nàzionàliteeta ghàà,[15] drunter 388 Schialer ìn dr frànzeescha-n-Àbtailung un 296 ìn dr diitscha-n-Àbtailung un 283 ìn dr anglischa-n-Àbtailung.[16] 535 Schialer sìnn ìn Klàssa vu dr Sekundààrschüal gsìì, 351 ìn dr Grundschüal un 81 ìm Kìndergàrta.[16] Àlla Kìnder därfa ìn dia Schüal gànga, àwwer d’ Schialer wara noh-n-em Schtàtüs un Berüaf vun ìhra Äältra üssgwählt —d’ maischta Schialer sìnn àlso Kìnder vu Beàmter vum Öiropäischa Pàrlàmant odd’r vun àndra öiropäischa Orgànisàzioona, so wia vu Diplomàta un Fiahrungskräfta vu mültinàzionààla Konzärner.[11] Wagadam wìrd d’ Schüal àls a „Lehrànschtàlt fìr d’ Äärschtklàssiga“-n-ààglüagt.[17][12]

Ànna 2018/2019 sìnn 79 Lehrer ìn dr Schüal gsìì, drunter 60 Lehrer ìn dr Sekundààrschüal.[16] Noch ìn da 2020er Joohra hàt d’ Schüal Schwiarigkaita ghàà, fìr Lehrer fìnda, wo Müatterschproochler vum Anglischa odd’r vum Hoochdiitscha sìnn. Wagadam wara vìela Hìlfslehrer iigschtällt.[14]

ändere

Ainzelnohwiisa

ändere
  1. ↑ Ecole européenne de Strasbourg. In: strasbourg-europe.eu. Abgruefen am 7. April 2022 (französisch).
  2. ↑ 2,0 2,1 2,2 2,3 Marie Marty: 40 millions pour l'école réservée aux Européens de Strasbourg. In: Rue89 Strasbourg. 3. Oktober 2013, abgruefen am 7. April 2022 (französisch).
  3. ↑ L’École européenne, une chance pour Strasbourg. In: Dernières Nouvelles d’Alsace. 14. Mai 2019, abgruefen am 7. April 2022 (französisch).
  4. ↑ Pascaline Marion: La nouvelle école européenne de Strasbourg accueillera 236 élèves pour sa première rentrée en septembre 2008. In: aefinfo.fr. 17. Juni 2008, abgruefen am 7. April 2022 (französisch).
  5. ↑ AFP - dsa/pad/ilc: Ouverture d'une Ecole Européenne à Strasbourg. In: Ambassadeur Alsace. Abgruefen am 7. April 2022 (französisch).
  6. ↑ École Européenne de Strasbourg. In: Embase.fr. Abgruefen am 7. April 2022 (französisch).
  7. ↑ Ecole Européenne de Strasbourg (Strasbourg). In: Archi-Wiki. Abgruefen am 7. April 2022 (französisch).
  8. ↑ École Européenne de Strasbourg. In: pss-archi.eu. Abgruefen am 7. April 2022 (französisch).
  9. ↑ Strasbourg inaugure son école européenne, la seule en France. France Bleu, 10. September 2015, abgruefen am 7. April 2022 (französisch).
  10. ↑ Alexandra Bucur, Guillaume Bertrand, Manuel Ruch, Suzan Erkalp, Sandra Sturtzer: L'école européenne de Strasbourg : un enseignement modèle. France 3 Grand Est, 5. April 2019, abgruefen am 7. April 2022 (französisch).
  11. ↑ 11,0 11,1 Béatrice Roman-Amat, AFP: Strasbourg inaugure une école européenne, espérant renforcer son statut de capitale européenne. In: Le Point. 10. September 2015, abgruefen am 7. April 2022 (französisch).
  12. ↑ 12,0 12,1 Alexandra Bucur, Sabine Pfeiffer: Strasbourg: extension de l'Ecole européenne, deux poids, deux mesures? France 3 Grand Est, 18. April 2019, abgruefen am 7. April 2022 (französisch).
  13. ↑ Romain Baheux: A Strasbourg, cette école d’exception inspire Jean-Michel Blanquer. In: Le Parisien. 10. Februar 2019, abgruefen am 18. November 2019 (französisch).
  14. ↑ 14,0 14,1 Violaine Morin: A Strasbourg, à l’école de l’Europe. In: Le Monde. 6. April 2022, abgruefen am 7. April 2022 (französisch).
  15. ↑ 15,0 15,1 Denis Peiron: L’École européenne de Strasbourg, un modèle à suivre. In: La Croix. Abgruefen am 7. April 2022 (französisch).
  16. ↑ 16,0 16,1 16,2 16,3 The Accredited European Schools/Schools in the process of accreditation 2018-2019 school year : Fact Sheets. (pdf) Büroo vum Generààlsekretäär vu da Öiropäischa Schüala (EURSC), S. 24, abgruefen am 7. April 2022 (änglisch).
  17. ↑ Noémie Rousseau: A Strasbourg, l’élite des classes pose problème. In: Libération. 8. Januar 2015, abgruefen am 7. April 2022 (französisch).
Vun "https://als.wikipedia.org/w/index.php?title=Europäische_Schule_Straßburg&oldid=1050449"