Expressionismus

Dr Expressionismus isch e Beweegig und en Epoche in dr Kunst vo dr Modärne. Er het z Dütschland am Aafang vom 20. Joorhundert in dr Moolerei und Lürik aagfange. Si Kennzäiche isch s, ass dr Künstler d Wält us ere subjektive Perspektive daarstellt und sä vilmol verzerrt, zum si Gmüetszuestand und sini Ideä z vermiddle, das häisst d Bedütig isch em wichdiger gsi as die füsischi Wirkligkäit.

Franz Marc: Die großen blauen Pferde (1911)

Dr Expressionismus wird aagluegt as e Reakzioon uf s positiwistische Dängge, wo s Transzendänte usgschlosse het, und, diräkter, uf anderi Kunststiil wie dr Realismus, dr Naturalismus und dr Impressionismus.

Dr Expressionismus isch as en avant-garde Stiil vor em Erste Wältchrieg entwigglet worde und isch wääred dr Weimarer Republik populär bliibe, vor allem in Berlin. Dr Stiil isch in vile Kunstforme verbräitet gsi: in dr Archidektur, Bildende Kunst, Litratuur, Theater, Danz, Film und in dr Muusig.

Dr Begriff wird vilmol mit Angst und Bedrückig assoziiert und dorum mänggisch über d Epoche vom Expressionismus im 20. Joorhundert uuse allgemäin aagwändet. In dere Beziejig reedet mä mänggisch au vo Mooler wie vom Matthias Grünewald oder vom El Greco as Expressioniste

Bischbil vo expressionistische Wärk und Künstler

• 
  Marianne von Werefkin: Rote Stadt, 1909
• 
  Dr Einsteinturm in Potsdam-Babelsberg (vom Erich Mendelsohn, 1921)
• 
  D Ditelsite vom Sonderheft „Film“ vo dr Zitschrift „Das Plakat“, Oktober 1920, entworfe vom Paul Leni, wo e wäägwiisende Reschissöör vom expressionistische Film gsi isch.
• 
  Selbstporträt vom Dichder, Zäichner und Bildhauer Ernst Barlach, 1928
• 
  D Isadora Duncan, wo dr modärn Usdrucksdanz entwigglet het. Foti vom Arnold Genthe.

Weblingg

 Commons: Expressionismus – Sammlig vo Multimediadateie

• Suech no Expressionismus in dr Dytsche Digitale Bibliothek (DDB)

Dä Artikel basiert uff ere fräie Übersetzig vum Artikel „Expressionism“ vu de änglische Wikipedia. E Liste vu de Autore un Versione isch do z finde.