Fürstedum Theodoro

S Fürstedum Theodoro (altgriech. Θεοδόρο, Theodóro) oder Gothia (Γοτθία, Gotthía) isch e chliine, christlige Föidalstaat im südwestlige Däil vo dr Krim gsi, zwüschen em hütige Balaklawa und Aluschta, wo vom 13. Joorhundert bis zum 15. Joorhundert existiert het. D Hauptstadt vo Doro (Mangup-Kale) het denn au Theodoro ghäisse. S Fürstedum Theodoro isch e Noochfolgerstaat vom Byzantinische Riich gsi. Bis es vo de Osmane im Joor 1475 erooberet worden isch, isch s Fürstedum Theodoro s letzte Territorium vom byzantinische Imperium gsi, wo s no gee het.

S Fürstedum Theodoro (Gotthia)

Bevölkerig

D Bevölkerig vom Fürstedum het us de verschidene Ethnie bestande, wo sich in dr Antike und im Mittelalter uf dr Krim niidergloo häi. Us däm Völkergmisch vo Grieche, Krimgote, Alane und Karäer het sich e nöiji ethnischi Grubbe bildet, wo griechisch gschwätzt het und wo d Meerhäit von ere zur Orthodoxe Chille ghöört het.

Weblingg

• Byzantinum, Nobility, Gabras
• Transformation und Kulturaustausch am Rand der mediterranen Welt. Das Bergland der Krim im Frühmittelalter., Zentralmuseum (RGZM), Mainz