Fäudmusig Strättligä
D Fäudmusig Strättligä, umgangssprachläch ou aus Strättlig-Musig bekannt, isch äs Blasorcheschter us Thun i dr Schwiz. Es isch aus Verein organisiert.[1][2] Vo 1958 bis 1991 isch äs vom national bekanntä Dirigänt u Komponischt Jakob Bieri gleitet wordä.[3]
Gschicht
ändereD Fäudmusig Strättligä isch im Jahr 1881 gründet wordä.[4] Denn isch Strättligä no ä eigeständigi Gmeind gsi, d Igmeindig i Thun het im Jahr 1920 stattgfundä.[5] Im Jahr 1919 isch d Fäudmusig Strättligä äm Bärner Oberländische Musigverband biträtte, im Jahr 1921 ou äm Kantonalä u äm Eidgenössischä Musigverband. 1965 isch ds Blasorcheschter zum erschtä Mau im Radio gloffä. Im Jahr 1972 isch äs zum erschtä Mau im Schwizer Fernseh zgseh gsi; irä Sändig vor Margrit Hadorn. I dä Jahr 1981 u 1984 het mä je ä Plattä usegäh. Im Septämber u Novämber vom Jahr 1987 isch dr Verein nomau im Schwizer Fernseh ufträtte; i dr Sändig Gala für Stadt und Land mit äm Wysel Gyr.[4] Im Jahr 2006 het dr Verein sys 125-jährige Bestaa gfyret u d CD Musik ist Trumpf usegäh.[2] Im Jahr 2013 het mä es nöis Probälokal ufgmacht, wo mä im ene lääre Bitz vom ene autä Burähuus bout het.[6] Im Jahr 2019 isch d Fäudmusig Strättligä ar Organisation vom Kantonalä Musigfescht beteiliget gsi, wo i däm Jahr z Thun stattgfundä het.[4]
Internetlinks
ändere- Literatur vu un iber Feldmusik Strättligen in dr bibliografische Datebank WorldCat
- Offizielli Internetsitä vo dr Fäudmusig Strättligä
- Fernsehuftritt im Jahr 1972 (Archiv vom SRF)
Fuessnotä
ändere- ↑ Der Verein. In: fmst.ch. Feldmusik Strättligen, abgruefen am 19. Juli 2020 (Schwiizer Hochtüütsch).
- ↑ 2,0 2,1 125 Jahre Feldmusik Strättligen und Kreis-Musiktag/Thun-Expo 11. Juni 2006. (PDF; 138 KB) Abgruefen am 19. Juli 2020 (Schwiizer Hochtüütsch).
- ↑ Komponist Jakob Bieri gestorben. In: dirigentenverband.ch. Schweizerischer Blasmusik-Dirigentenverband, 5. August 2017, abgruefen am 8. Juli 2021.
Nils Sager: Jakob Bieri bleibt auch abseits seiner Musik in Erinnerung. In: Jungfrau Zeitung. Gossweiler Media AG, 10. August 2017, abgruefen am 8. Juli 2021. - ↑ 4,0 4,1 4,2 Vereinschronik. In: fmst.ch. Feldmusik Strättligen, abgruefen am 19. Juli 2020 (Schwiizer Hochtüütsch).
- ↑ Anne-Marie Dubler: Strättligen. I: Historisches Lexikon der Schweiz. 22. Oktober 2013, abgrüeft am 19. Juli 2020.
- ↑ Unser neues Probelokal. In: fmst.ch. Feldmusik Strättligen, abgruefen am 19. Juli 2020 (Schwiizer Hochtüütsch).
|
Dä Artikel basiert uff ere fräie Übersetzig vu dere Version vum Artikel „Feldmusik_Strättligen“ vu de dütsche Wikipedia. E Liste vu de Autore un Versione isch do z finde. |