Felix Platter-Spital
Koordinate: 47° 33′ 52,6″ N, 7° 33′ 55,5″ O; CH1903: 609543 / 268220
| Dialäkt: Baseldütsch |
| Uniwersidääri Altersmedizin Felix Platter | |
|---|---|
| |
| Unternähmensform | öffentlig-rächtligi Aastalt |
| Gründig | 1890 |
| Sitz | Burgfälderstross 101 Baasel, Schwiz |
| Leitig |
|
| Mitarbeiter | 960 |
| Branche | Gsundhäitswääse |
| Uffdritt im Netz | felixplatterspital |
S Felix Platter-Spital, offiziell die Uniwersidääri Altersmedizin Felix Platter, isch noch em Universitätsspital Basel s zweitgrösste Spital z Basel. Si geriatrischs Kompetänzzentrum ghört zu de grösste in dr Schwiiz. Es het dr Name vom Felix Platter übercho, won e bedütende Basler Mediziner und Universitätsprofessor im 16. Johrhundert gsi isch. S Spital bestoht us drei Beriich, em Geriatrische Kompetänzzentrum, dr Rheumatologische Universitätsklinik und dr Orthopedische Früehrehabilitation. Alli drei Beriich hai ängi Beziehige zum Universitätsspital Basel. Jedes Johr wärde öbbe 3000 Patientinne und Patiente behandelt. S Felix Platter-Spital het 290 Bett.
Leistigsspektrum ändere
Multidisziplinäri Abklärige und Behandlig vom physische und psychische Gsundheitszuestand und em soziale Hindergrund.
- Geriatrischi Ufnahm- und Abklärigsstation (GAAST)
- Rehabilitation Bewegigsapparat
- Neurorehabilitation
- Internistischi Nochbehandlig
- Psychogeriatrii (Spital oder in dr Dagesklinik) für Patientinne und Patiente mit Hirnleistigsstörige
- Übergangspfleg mit Training vor Ort – aso dehei
- Dagespflägiheim mit em strukturierte Dagesablauf
- Dagesklinik mit deilstationärer Rehabilitation
- Passerelle: Bettstation für Lüt, wo uf e Blatz in eme Pflägheim warte
D Sprächstunde biete Diagnostik und Therapi für ambulanti Patientinne und Patiente a.
- Spezialsprächstund Inkontinenz
- Spezialsprächstund Demenz
- Spezialsprächstund Prothese- und Orthese-Versorgig
- Spezialsprächstund Sturz/Sturzklinik
- Spezialsprächstund Malnutrition (Mangelernährig)
Ambulanti Dienst:
- Ernährigsberootig
- Ergotherapii
- Logopedii
- Physiotherapii
- Trainingscenter Fitalix
Gschicht ändere
S Felix Platter-Spital heisst erst sit em Novämber 1956 eso. Aber d Afäng vom Spital gönge zrugg bis ins Johr 1890. Die Orthopädischi Universitätsklinik vom Felix Platter-Spital isch am 1. März 2003 ins Universitätsspital Basel verleit worde.
S nöije Spiddaalgeböid ändere
Am 17. Dezämber 2014 si d Blään vo de Archidektuurbüro wörner traxler richter planungsgesellschaft mbH us Frankfurt am Main und Holzer Kobler Architekturen us Züüri vo dr Läitig vom Archidektuurwettbewärb usgweelt worde. Dr Bau vom nöije Spidaalgeböid uf em hütige Areal het am 19. August 2015 d Baubewilligung bekho und im Oktober isch dr Grundstäi gläit worde. Die alte Spidaalgeböid si abgrisse worde. Am 21. Merz 2017 isch s Richtfest vom Nöibau gsi und am 1. April 2019 isch s spiddaal in Bedriib gnoo worde.[1]
Dr Umbau vom Hauptgeböid ändere
S ehemoolige Hauptgeböid vom Spiddaal im Westfäld isch vo dr Baugnosseschaft Wohnen & Mehr in 500 gnosseschaftligi Woonige iidailt worde, wo 2023 sötte baraat si[2]. Es isch in ere serielle Iisebeton-Skelettbautechnik konstruiert und as Bischbil vo dr Noochchriegsarchidektuur erhalte bliibe und under Dänggmolschutz gstellt worde.[1]
Fuessnoote ändere
Weblingg ändere
- Felix Platter-Spital
- Sturzklinik des Felix Platter-Spitals
- Universitätsspital Basel
- Gesundheitsdepartement Basel-Stadt
- Spital-Statistik von Basel-Stadt und Basel-Landschaft
|
Dä Artikel basiert uff ere fräie Übersetzig vum Artikel „Felix_Platter-Spital“ vu de dütsche Wikipedia. E Liste vu de Autore un Versione isch do z finde. |