Friedlinde Gurr-Hirsch
| Dialäkt: Undermarkgreflerisch |
D Friedlinde Gurr-Hirsch (* 21. Juni 1954 z Ondergruppebach as Friedlinde Gurr) isch e dytschi Bolitikeri (CDU) un syt 2001 Mitglid im Landtag von Baden-Württemberg. Si isch syt 2016 Bolitischi Staatssekreteeri im Minischterium fir Ländlige Ruum un Verbruucherschutz. Vu 2004 bis 2011 isch si scho mol Bolitischi Staatssekreteeri im Minischterium fir Ernährig un Ländlige Ruum gsii. Syt 2011 isch si stellverdrättendi Vorsitzeri vu dr CDU-Landdagsfraktion.
Lääbe
ändereD Gurr-Hirsch isch as Dochter vum e Räbbuur uf d Wält chuu un z Ondergruppebach ufgwachse. Dert isch si uf d Grundschuel gange un derno uf d Mörike-Realschuel z Haalbrunn. Schließlig isch si uf s Justinus-Kerner-Gimnasium z Haalbrunn gange, wu si s Abitur gmacht het. Si isch staatli anerkännti Huuswirtschafteri un het an dr Beruefspedagogische Hochschuel z Hooheim Lehramt studiert mit dr Schwärpinkt Wirtschaftswisseschafte, Bolitik un evangelischi Theology. Noch em Studium het si an dr Andreas-Schneider-Schuel z Haalbrunn, ere chaufmännische Beruefsschuel, as Lehreri unterrichtet.
Syter anne 1978 isch si ghyrote mit em Karl-Heinz Hirsch, Si hän zäme drei Chinder, zwoo Deechtere un e Suhn.
Bolitik
ändereVu 1973 bis 1975 isch d Gurr-Hirsch Mitglid vum Chraisvorstand un vum Bezirksvorstand vu dr Junge Union gsii. Anne 1978 isch si in d CDU yydrätte. Syt 1979 isch si Byysitzeri im Vorstand vum CDU-Gmaiverband Ondergruppebach un syt 1993 stellverdrättendi Vorsitzeri vum CDU-Chraisverband Haalbrunn. Vu 2012 bis 2016 isch d Gurr-Hirsch Vorsitzeri vum Arbetschrais Integration vu dr Landes-CDU gsii. Vu 2001 bis 2013 isch si derzue au Mitgli im Bezirksvorstand vu dr CDU Nordwirttebärg gsii.
Anne 1980 isch d Gurr-Hirsch in Gmairot vu Ondergruppebach gwehlt wore, ab 1994 isch si dert zwooti Stellverdrätteri vum Burgermaischter gsii. Im Johr 1984 isch si in Chraisdag vum Landchrais Haalbrunn gwehlt wore, wu si Mitglid im Schuel- un Kulturuusschuss un im Verwaltigsuusschuss un syt 1985 au stellverdrättendi Vorsitzeri vu dr CDU-Fraktion gsii isch.
Ab 1994 bis 2004 isch si Mitglid vu dr Verbandsversammlig vum Regionalverband Haalbrunn-Franke un dert im Blanigsuusschuss gsii. Ab 2000 isch si schließlig au stellverdrättendi Vorsitzeri vu dr CDU-Regionalverbandsfraktion gsii.
Bi dr Landdagswahl 2001 het d Friedlinde Gurr-Hirschim Wahlchrais Eppenge s Erschtmandat gwunne. Au bi dr Landdagswahle 2006, 2011 un 2016 isch si wider iber s Erschtmandat in Landdag gwehlt wore. Im Juli 2004 isch si bolitischi Staatsekreteeri im Minischterium fir Ernährig un Ländlige Ruum wore. Si het derno alli Ämter uf Kommunal-, Chrais- un Regionalsebeni niderglait. Mit em Aadritt vu dr grien-rote Koalition no dr Wahl 2011 het si s Amt verlore, si isch derno im Mai 2011 zur stellverdrättende Vorsitzeri vu dr CDU-Landdagsfraktion gwehlt wore. Wu no dr Wahl 2016 e grien-schwarzi Koalition in s Amt chuu isch, isch d Gurr-Hirsch im Mai 2016 wider Bolitischi Staatssekreteeri im Minischterium fir Ländlige Ruum un Verbruucherschutz wore.
Suschtig Engaschmänt
ändere- Vorsitzeri vum Ufsichtsroot vu dr Landsiedlung Baden-Württemberg GmbH
- Vorsitzeri vum Ufsichtsroot vu dr MBW Marketing- und Absatzförderungsgesellschaft für Agrar- und Forstprodukte aus Baden-Württemberg mbH.
- Mitglid vu dr Verbandsversammlig vum Gmaiverwaltigsverband Ilsfeld (1980-2004)
- Mitglid vu Zwäckverband Gruppenkläranlage Schozachtal (1908-2004)
- Mitglid vu dr Gwährdregerversammlig un stellverdrättend Mitglid vum Verwaltigsroot vu dr Chraissparkass Haalbrunn (1990-2004)
- Mitinitiatori vum Rat für Frauen, eme Modällprojäkt vum Sozialminischterium Bade-Wirttebärg, un vu 1997 bis 2004 Mitglid vum Byyroot.
- Vorsitzeri vum Chraisverband Haalbrunn vu dr Europa-Union Dytschland (1979 bis 1988)
- Chraisvorsitzeri vum Bloosmusikchraisverband Haalbrunn e. V. (syt 2001)
- Vorsitzeri vum Arbeitskreis Heimatpflege im Regierungsbezirk Stuttgart e. V. (2011-2015)
- Mitglid vum Vorstand vum Verain Burgfestspiele Stettenfels e. V. (syt 2011)
- Vizebresidänti vu dr Bundesvereinigung Deutscher Musikverbände e. V. (2012-2016)
Anne 1976 isch d Friedlinde Gurr-Hirsch zur Wirttebärgische Wyycheenigi un 1976/77 au zur Dytsche Wyycheenigi gwehlt wore.
Anne 2008 het si dr „Goldene Schwarzwurst Orden“ iberchuu.
Weblinks
ändere
Commons: Friedlinde Gurr-Hirsch – Sammlig vo Multimediadateie