Gérard Bannwarth

Dialäkt: Mìlhüüserdiitsch

Dr Alphonse Gérard Bannwarth (* 4. Jüüni 1908 z’ Ìwwerschtaibrunn, Raichslànd Elsàss-Lothrìnga; † 3. Janner 1991 z’ Schtroossburi) ìsch a frànzeescher reemisch-kàthoolischer Gaischtlig’r gsìì. Ar ìsch vu 1963 bis 1984 Bischoof vu Soisson, Laon un Saint-Quentin ìn Nordfrànkrììch gsìì.

sii Laawa

Jugend un Priaschteràmt

Dr Alphonse Gérard Bannwarth ìsch ànna 1908 ìn’ra Büürafàmìlia z’ Ìwwerschtaibrunn uff d’ Walt kumma — àn dara Zitt hàt s’ Elsàss zem Diitscha Kaiserraich gheert. Ar ìsch z’ Zìllìsa ìn d’ Sekundààrschüal gànga un hàt d’rnooh àm Frànzeescha Priaschterseminààri z’ Rom gschtudiart — doo hàt’r a Dokterwìrda vu dr Filosofii bschtànda. Ar ìsch àm 10. Àuigscht 1932 z’ Làndser àls Priaschter fìrs Bìschtumm Schtroossburi gwäijt worra. Doo druff ìsch’r z’ Rom z’ruckkumma, fìr àn dr Pàpschtliga Üniwärsiteet Gregoriana a Dokterwìrda vu dr Gotteslehr bschtehn.

Ànna 1934 ìsch dr Bannwarth àls Kàplààn-Vikààr ìm Kloschter Odiliabari ìm Unterelsàss ärnännt worra. Ar ìsch ìm Zwaita Waltkraig ànna 1939 un 1940 àm Front gsìì un ìsch ànna 1942 Profasser fìr Dogmààtik àm Groossa Priaschterseminààri z’ Schtroossburi worra. Ànna 1945 ìsch’r Seelsorger àm Ìnernààt z’ Molsa worra, un fìmf Joohra schpeeter ìsch’r àls Priaschter vu dr Liawafràuibàsilikà z’ Hàwanàui ärnännt worra. Ìm Joohr 1954 ìsch’r bìschtìmmliger Dirakter vu dr Kàthoolischa Àkzioon worra — ar hàt domìt àn dr Äntwìcklung vu da Kàthoolischa Beweegunga ìm Bìschtumm mìtgmàcht.

àls Bischoof

Nohdam àss dr Pierre Douillard waaga siinera schlachta G’sundhait üss’m Bischoofssìtz vu Soissons, Laon un Saint-Quentin z’rucktratta-n-ìsch, hàt dr Pàpscht Johànnis Pooli II. àm 22. Mai 1963 dr Gérard Bannwahrt àls sii Noohfolger ärnännt. D’ Bischoofswäih hàt dr Bannwarth àm 1. Jüüli 1963 ìm Schtroossburjer Mìnschter vum Arzbischoof Jean-Julien Weber ämpfànga. Àm 14. Jüüli 1963 ìsch’r fiirlig ìm Mìnschter vu Soissons iig’fiahrt worra.

Dr Bannwarth hàt àn dr zwaita Tààgung vum Zwaita Vàtikàànscha Konziil mìtgmàcht. Noh-n-em Konziil hàt’r ìn siim Bìschtumm d’ Litürgiireform, dr Dàloog mìt àndra Religioona un d’ Ärnäijerung vu dr Kìrchalehr umg’sätzt. Noh dr Grìndung vum Frànzeescha Bischoofskùmferanz ànna 1966 ìsch dr Bannwarth vu zwìscha 1968 un 1979 Mìtglììd gsìì ìm Kìndhaits- un Jugendsüssschuss gsìì, ìm Üssschuss fìr Äffentliga Mainung zwìscha 1968 un 1973 so wia-n-ìm Üssschuss fìr Unàbhangiga Kraisa zwìscha 1968 un 1974.

Ànna 1977 ìsch dr Bannwarth vu’ma Harzìnfàrkt àbg’schwächt worra. Ar hàt dr Vàtikààn um d’ Hìlf vu’ma Auxiliààrbischoof gebìtta. Àlso hàt dr Pàpscht Pooli VI. àm 26. Jüüni 1978 dr Daniel Labille üss’m Arzbìschtumm Reims àls Auxiliààrbischoof vu Soissons ärnännt. Ìm Jüüni 1983 hàt dr Bannwarth ìm Pàpscht Johànnis Pooli II. sii Rucktrìttsbriaf gsanda, wial’r d’ Àltersgranz vu 75 Joohra getroffa hàt. Dr Rucktrìtt hàt dr Pàpscht àm 13. Hornung 1984 ààgnumma. Dräi Taaga schpeeter hàt’r dr Labille àls Bischoof vu Soissons, Laon un Saint-Quentin ärnännt.

Noh siim Rucktrìtt ìsch dr Bannwarth ìm Elsàss z’ruckkumma. Ar hàt sìch z’ Schtroossburi nììdergloo un ìsch doo àm 3. Janner 1991 g’schtoorwa.

Lìteràtüür

• Cécile Souchon, Liliane Desjardin: Bannwarth (Gérard). In: Dominique-Marie Dauzt, Frédéric Le Moigne (Hrsg.): Dictionnaire des évêques de France du XXe siècle. Cerf, Pàriis 2010, ISBN 978-2-204-09041-4, S. 51 (französisch). 
• Georges Knittel: Bannwarth Gérard. In: Nouveau dictionnaire de biographie alsacienne. Band 2. Fédération des sociétés d’histoire et d’archéologie d’Alsace, 1983, S. 101 (französisch, alsace-histoire.org [abgerufen am 18. Mai 2024]). 

Weblìnks

• Yytrag zue Gérard Bannwarth uf catholic-hierarchy.org (englisch)

Ainzelnoohwiisa

Dä Artikel basiert uff ere fräie Übersetzig vu dere Version vum Artikel „Gérard_Bannwarth“ vu de französische Wikipedia. E Liste vu de Autore un Versione isch do z finde.