Geographisches Lexikon der Schweiz

S Geografische Lexikon vo der Schwiiz isch es Nochschlagewäärch mit Informazioone zu der Landeskund vo der Schwiiz.

s Umschlagbild vom sächste Band vo däm Lexikon

Es isch dank der Iniziatyve vo der Société neuchâteloise de géographie gmacht worde und vo anne 1902 bis 1920 z Nöieburg bim Verlag vom Victor Attinger usecho. Es het sächs Bänd.

Es git au e französischi Versioon, der Dictionnaire géographique de la Suisse, wo glychzytig entstanden isch.

Das Lexikon bringt vil Sache zu de Kantöön, de Regioone und de Bezirk, zu geografischen Objäkt wie öppe de Bäärge, de Flüss un de Seeè, und den Ortschaften im Land, vo de Stedt und de Gmeinde bis zu de Döörfli und de Wyyler. Zu allne Sache chame i den Artikle geografischi, politischi und wo’s basst au soziali und gschichtlechi Informazioone finde. En bedütende Aschpäkt für d Behandlig vo den Objäkt isch d Wirtschaftsgschicht gsi.

Es chöme meh weder 37'000 Nääme vor: Orts- und Fluernääme, Regioonenääme, Bärgnäämen und Gwässernääme; und s Lexikon het 32'893 Artikel.

Son es umfassends und grüntlechs Übersichtswäärch vo der Schwiiz het’s sider nümme gää, und s Geografische Lexikon isch au hüt no e gueti Informazioonsquelle – wo bis jetz (2019) zu vilne Sache meh büütet weder öppe d Wikipedia.

Literatur ändere

Weblink ändere

  Commons: Geographisches Lexikon der Schweiz – Sammlig vo Multimediadateie