Georgette Tsinguirides
D Georgette Tsinguirides (* 27. Februar 1928 z Stuegert) isch e dytsch-griechisch Ballettdänzeri, Choreologi un Ballettmaischteri. Si isch Assischtänti vum John Cranko gsii, wu s Stuetgerter Ballett vu 1961 bis 1973 glaitet het.
Lääbe un Wirke ändere
D Georgette Tsinguirides het frie iri Mueter verlore un isch bi ire Großmueter Maria Weickh ufgwagse, wu Hofdame bi dr Chenigi Charlotte von Württemberg geb. zu Schaumburg-Lippe gsii isch. Mit sibe Johr het si ne Uusbildig aagfange an dr Ballettschuel vum Staatstheater Stuegert. Derno het si Unterricht gnuu bi dr Olga Preobrajenska un dr Madame Nora im Studio Wacker z Paris un an dr Royal Ballet School z London. Anne 1945 het si ire erscht Engaschmänt am Staatstheater Stuegert iberchuu, mit ere Gage vu 2250 Rychsmark. Unter dr Direktion vum Nicolas Beriozoff isch si 1957 Solischti wore. No voreb dr John Cranko 1961 d Laitig vu dr Compagnie ibernuu het, het si scho 1960 in sym Ballett Der Pagodenprinz danzt, speter u. a. in The Lady and the Fool un in Romeo und Julia.[1]
Anne 1966 isch d Tsinguirides z Stuegert di erscht hauptberuefli Danzschrift-Experti vu Dytschland wore. Dr John Cranko het ere dr Ufdrag gee, syni Choreografie in ere internationale Danzschrift ufzzaichne. As Choreologi un Ballettmaischteri het si em Cranko sy Wärch mittlerwyli an e baar Generatione vu DänzerIne wytergee: Nit nume bim Stuegerter Ballet, nai, au wältwyt bi iber 30 andere Ballett-Compagnie.
Uf Aaregig vum Cranko het d Tsinguirides 1966 s Studium vu dr Benesh Movement Notation z London mit eme Diplom abgschlosse. Derno het si dermit aagfange, alli große Wärch, wu dr Cranko z Stuegert gschaffe het, in däre Danzschrift ufzzaichne. Dodin wäre ainzelni Bewegige wie in ere Partitur prezis schriftlig ufzaichnet.
Am 1. Dezämber 2015 het d Tsinguirides ire 70-jehrig Dienschtjubiläum am Stuegerter Ballett gfyyrt.[2] Dr Minischterpresidänt Winfried Kretschmann het ere am 5. Dezämber d Staufermedaille in Gold ibergee.
Im Juli 2017 isch si in Ruestand gange un isch bi Ballett im Park am 8. Juli 2017 offiziäll verabschidet wore.[3]
Ehrige ändere
- 1973 Fellowship of Institute of Choreology vum Benesh Institute of Choreology
- 1980 John Cranko-Bryys fir iri Verdienscht um s chinschtlerisch Erb vum Cranko
- 1985 Ehrig vum Land Bade-Wirttebärg fir 40 Johr Zuegherigkait zum Staatstheater Stuegert
- 1986 Bundesverdienschtchryz am Band fir usserordeligi chinschtlerischi Arbet
- 1987 Uuszaichnig fir bsunderi Verdienscht fir s 21-jehrig Bruuche vu dr Benesh Movement Notation vom Benesh Institute of Choreology
- 1995 Ehrig vum Land Bade-Wirttebärg fir 40 Johr Zuegherigkait zum Staatstheater Stuegert
- 2002 Verdienschtmedaille vum Land Bade-Wirttebärg
- 2006 Ehremitglidschaft vum Stuegerter Staatstheater zum 60-jehrige Dienschtjubiläums
- 2010 Dytsche Danzbryys
- 2010 Mitglidschaft in dr Royal Academy of Dance London
- 2015 Staufermedaille in Gold fir Verdienscht um s Land Bade-Wirttebärg
Literatur ändere
- Susanne Wiedmann: Georgette Tsinguirides. Ein Leben für John Cranko und das Stuttgarter Ballett. Klöpfer & Meyer. Tübingen 2015. ISBN 978-3-86351-407-5
Weblink ändere
- Ulla Hanselmann: Die Stuttgarter Choreologin Georgette Tsinguirides. Die Hüterin des Tanzerbes, Stuttgarter Zeitung, 28. Novämber 2014
- Choreologin Georgette Tsinguirides ausgezeichnet, Zeit, 1. Merz 2010
- Georgette Tsinguirides wird 75 uf tanznetz.de, 27. Februar 2003
Fueßnote ändere
- ↑ Stuttgarter Ballett – Georgette Tsinguirides, Choreologin und Ballettmeisterin (Memento vom 9. Jänner 2015 im Internet Archive)
- ↑ Ballettmeisterin. Seit 70 Jahren beim selben Arbeitgeber. Spiegel online, 12. April 2015
- ↑ Blickpunkte der Tagesschau vom 5. Juli
|
Dä Artikel basiert uff ere fräie Übersetzig vu dere Version vum Artikel „Georgette_Tsinguirides“ vu de dütsche Wikipedia. E Liste vu de Autore un Versione isch do z finde. |