Gilbert Buttazzoni

Dialäkt: Mìlhüüserdiitsch

Dr Gilbert Buttazzoni ( [ʒilbɛʁ butadzɔni] odd’r [bytadzɔni]; * 4. Mai 1947 z’ Mìlhüüsa; † 24. Àuigscht 2019) ìsch a elsassischer Politiker gsìì. Ar ìsch bis 2014 Mìtglìed ìm Mìlhüüser Gmaindaroot gsìì, un Mìtglìed ìm owerlesassischa Generààlroot vu 2001 bis 2015.

sii Laawa

Uff d’ Walt kumma-n-ìsch dr Gilbert Buttazzoni ànna 1947 z’ Mìlhüüsa, àls Suhn vum Arnaldo Buttazzzoni un dr Marina Del Degan. Mìt 17 Joohra-n-ìsch’r ìm Betriib vum Vàtter iigschtällt worra. Dàs Unternamma hàt’r vu 1968 bis 1982 glaita. Schpeeter hàt’r sii aigana Täckschtildruck-Unternamma grìnda, wo-n-’r ànna 1992 ìn’ma Fàmìliamìtglìed verkàuift hàt. Vu 1982 bis 1992 ìsch’r Mìtglìed ìm Verain ARC gsìì, wo Krabsforschung finànziäll unterschtìtzt.

Ànna 1992 ìsch dr Buttazzoni ain vu da Schtällvertrattenda vum Mìlhüüser Bìrgermaischter Jean-Marie Bockel (PS) worra. Àn dara Schtälla-n-ìsch’r veràntwortlig fìr Schport gsìì. Àb 2003 ìsch’r Veràntwortlig’r fìr Tourischmus un Groossärraignissa gsìì. Ànna 2001 hàt’r sìch àn da Kàntoonwàhla-n-àls pàrtäilooser Kàndidààt ìm Kàntoon Mìlhüüsa-Nord uffgschtällt. Àm zwaita Wàhlgàng ìsch’r mìt 54 Prozant vu da Schtìmma geega dr Gérard Freulet (FN) ìn dr owerelsassischa Generààlroot gwählt worra. Noh dr Wàhl ìsch’r Mìtglìed vu dr Soziàlìschta Pàrtäi worra. Àn dr Gmaindawàhl vu 2008 hàt’r sìch uff dr Lischta vum Pierre Freyburger (PS), em Geegner vum Bockel, uffgschtällt, wo gschlààga worra-n-ìsch. Ànna 2014 hàt’r sìch nìt àn da Gmaindawàhl wìeder uffgschtällt. Ìm folgenda Joohr ìsch’r àn dr Départementswàhl ìm Kàntoon Mìlhüüsa-2 gschlààga worra —àm äärschta Wàhlgàng hàt’r zamma mìt dr Malika Schmidlin Ben M’Barek (PS) numma 26,64 Prozant vu da Schtìmma bikumma.

Naawadràà hàt dr Buttazzoni z’ Mìlhüüsa ìn da krànka Kìnder ghulfa. Ar hàt z’äärscht d’ Kìnder ìm Menchsbari-Schpitààhl bsüacht, un hàt ànna 2005 zamma mìt Frììnda un Mìlhüüser Schportler dr Verain „Sourire Ensemble“ grìnda, fìr d’ iiglìeferta Kìnder unterschtìtza.

Dr Gilbert Buttazzoni ìsch àm 24. Àuigscht 2019 ìm Àlter vu 72 Joohra gschtoorwa. S’ Begrabniss ìsch àm 29. Àuigscht ìn dr kàthoolischa Àntoniüskìrìch z’ Burzwiller gsìì.

Ànna 1970 hàt dr Buttazzoni d’ Lucile Badet ghiiroota ghàà, wo ànna 1982 àn Krabs gschtoorwa-n-ìsch. Mìt ìhra hàt’r dräi Kìnder ghàà: dr Arnaud, d’ Audrey un d’ Carla.

Ìm Dezamber 2019 ìsch dr Mìlhüüser Schportpàlàscht noh-n-ìhm gnännt worra.

Lìteràtüür

• Odile Kammerer: Gilbert Buttazzoni. In: Nouveau dictionnaire de biographie alsacienne. Fédération des sociétés d’histoire et d’archéologie d’Alsace, 2004 (französisch, alsace-histoire.org [abgerufen am 25. Juli 2022]). 
• Décès de Gilbert Buttazzoni. In: L’Alsace. 24. August 2019, abgruefen am 25. Juli 2022 (französisch). 
• Pierre Gusz: [Diaporama] Disparition de Gilbert Buttazzoni : sportifs, amis et élus réunis pour un dernier hommage. In: Dernières Nouvelles d’Alsace. 29. August 2019, abgruefen am 25. Juli 2022 (französisch).