Gisela Erler

Dialäkt: Undermarkgreflerisch

D Gisela Anna Erler (* 9. Mai 1946 z Bibra) isch e dyschi Familieforscheri, Unternämmeri un Bolitikeri (Bindnis 90/Di Griene). Syt Mai 2011 isch si as Staatsreti Mitglid vu dr Landesregierig vu Bade-Wirttebärg. Dert isch si zueständig fir Zivilgsellschaft un Burgerbedailigung.

Gisela Erler (2013)

Läbe

D Gisela Erler isch d Dochter vum SPD-Bolitiker Fritz Erler un syyre Frau Käthe, geb. Wiegand. Noch em Abitur het si Germanischtik un Soziologi studiert. Si het sich im SDS engaschiert un isch 1967 Mitgrinderi vum Minchner Trikont-Verlag gsii.

In ihre Forschigsarbet am Dytsche Jugedinschtitut het si sich mit em Thema Frau/Gschlächtsrolle/Familie/Beruef bschäftigt. Studieschwärpinkt sin neji Arbetszytmodäll bi Beck/Iken un Coop gsii. Si isch d Autori vun ere internationale Verglyychsstudie iber Eltereurlaub un Reorganisation vu dr Arbetswält, u. a. z Schwede un in dr USA.

Anne 1987 het d Gisela Erler mit eme Dutzed andere Fraue s Müttermanifest vereffetligt, im nämlige Johr zämme mit dr Doro Pass-Weingartz bi Rowohlt d Strytschrift Mütter an die Macht!.

Im Johr 1991 het si mit em Ufböu vun eme Unternämme aagfange, dr pme Familienservice GmbH. Im Mai 2011 isch si vum Winfried Kretschmann as Staatsreti fir Zivilgsellschaft un Burgerbedailigung mit Stimmrächt im bade-wirttebärgische Kabinett benännt wore

D Gisela Erler isch mit ghyrote mit em Bolitolog Warnfried Dettling. Si het zwee Sihn, drei Stiefsihn un läbt z Berlin.

Uuszaichnig

• Elisabeth-Selbert-Bryys 2005

Schrifte

• Frauenzimmer. Für eine Politik des Unterschieds. Verlag Klaus Wagenbach, Berlin 1985
• Mütter an die Macht! Die neue Frauen-Bewegung. (Herausgeberschaft zusammen mit Dorothee Pass-Weingartz). Rowohlt, Reinbek 1987

Weblink

 Commons: Gisela Erler – Sammlig vo Multimediadateie

• Websyte vu dr Gisela Erler

Dä Artikel basiert uff ere fräie Übersetzig vum Artikel „Gisela_Erler“ vu de dütsche Wikipedia. E Liste vu de Autore un Versione isch do z finde.