Glasperlenspiel (Band)
Glasperlenspiel isch e dytschi Elektropop- un Singer-Songwriterband vu Stocke. Si bstoht us dr Carolin Niemczyk (* 24. Juli 1990 z Singe), em Daniel Grunenberg (* 8. Novämber 1988 z Stocke) un dr Livemitglider Bene Neuner, Markus Vieweg un Nico Schliemann.
 | ||
| Allgmeini Informatione | ||
| Härkumft | Stocke (Dytschland) | |
|---|---|---|
| Genre | Elektropop | |
| Gründig | 2003 | |
| Website | www.glasperlenspiel.com | |
| Aktuelli Bsetzig | ||
| Carolin Niemczyk | ||
Gsang, Keyboard |
Daniel Grunenberg | |
| {Vorlage:ExtrasTitel | ||
| Bene Neuner | ||
| Markus Vieweg | ||
| Nico Schliemann | ||
Gschicht
ändere.jpg)
D Carolin Niemczyk un dr Daniel Grunenberg hän baidi vorhär dr Stockemer Chilchepopband Crazy Flowers aaghert, wu s Repertoire vun ere vu zytgnessische Coversong bis Popmusik mit chrischtligen Inhalt gange isch.[1] Us em aafangs siibechepfige Stockemer Bandprojäkt Keine Zeit, wu näbe gaischtlige jetz au wältligi Theme in ihre Repertoire ufgnuu het, un au aigeni Kumpesition vu dr Niemczyk un em Grunenberg mit dytsche Täxt presäntiert het, nit nume Coversong,[2] isch s Duo entstande, wu si 2010 noch em Roman Das Glasperlenspiel vum Hermann Hesse umgnännt het. Am 18. Jänner 2010 hän si as Keine Zeit mit ihrem Lied Versinke dr Radio ENERGY Newcomer Contest 2009/2010 gwunne[3][4] un sin doderudr an ihre erschte große Blatteverdrag chuu.
Am 29. Septämber 2011 isch Glasperlenspiel bim Bundesvision Song Contest 2011 fir s Land Bade-Wirttebärg aadrätten un isch doderby uf dr viert Blatz chuu mit em Lied Beitrag Echt. Am 16. Merz 2012 het s Chinschtlerduo syni zwoot Single Ich bin ich verffetligt, di zwoot Singleuuskopplig us ihrem Album Beweg dich mit mir, wu in dr dytsche Chart uf Blatz 32 chuu isch.
Am 10. Augschte 2012 het s Video zue dr dritte Singleuuskopplig Freundschaft Premiere gfyyrt. Wider isch fir d Single en exklusivi Version produziert wore.[5] D Single isch am Dag, vor si uusechuu isch, in d Top-20 vu dr dytsche iTunes-Chart yygstige un schließli bis uf Rang 17 vu dr dytsche Singlechart chuu. In dr eschtrychische Chart isch s Lied in d Top-50 chuu un s Duo het si dermit au zum erschte Mol in dr Schwyzer Chart chenne blatziere. Am 26. April 2013 hän si ihri viert Single Nie vergessen uusebroocht un sin dermit in dr dytsche Chart bis uf Blatz nyyn, in dr eschtrychische bis uf Blatz 43 chuu. Am 10. Mai 2013 isch s Album Grenzenlos chuu, wu si z Dytschland uf Blatz acht chuu sin un in dr Schwyz uf Blatz 61. Di glychnamig Single Grenzenlos isch am 6. Septämber 2013 vereffetligt wore. Am 4. Juli 2014 hän Glasperlenspiel e Deluxe-Edition vu Grenzenlos mit em Titel Grenzenlos in diesem Moment vereffetligt. Scho zwoo Wuche dervor isch d Single Moment uuskopplet wore.
Syt 2014 singe Glasperlenspiel d Titelmusik vu dr RTL-Soap Gute Zeiten, schlechte Zeiten.[6] S Lied Lasst uns was bewegen isch syt 2014 Titellied vu dr RTL II-Dokusoap Zuhause im Glück.
Glasperlenspiel isch im Johr 2015 as Vorband zue dr Tuur Farbenspiel - Die Stadion-Tour vu dr Helene Fischer ufdrätte. Aafangs Mai 2015 isch mit Paris di erscht Single us ihrem dritte Studioalbum uusechuu. Am 29. Mai 2015 isch s nei Studioalbum Tag X uusechuu, di zwoot Single Geiles Leben derno am 28. Augschte 2015. Mit dr Single Geiles Leben hän si am 29. Augschte 2015 fir Bade-Wirttebärg wider bim Bundesvision Song Contest mitgmacht un sin dermit uf dr sechst Blatz chuu.
Am 2. Merz 2018 isch mit Royals & Kings di erscht Single us irem vierte Studioalbum Licht & Schatten uusechuu, wu derno am 20. April 2018 erschine isch.
D Carolin Niemczyk un dr Daniel Grunenberg sin no ihre aigene Uussag in einundzwanzig.TV syt 2006 e Baar. Syter 2015 engaschiere di baide si as Botschafter fir Herzenssache e. V., dr Chinderhilfsaktion vu SWR, SR un Sparda-Bank.
Tuure
ändere- 2011/12: „Beweg dich mit mir“ Tuur
- 2013/14: „Grenzenlos“ Tuur
- 2015/16: „Tag X“ Tuur
Diskografy
ändereAlbe
ändere- 2011: Beweg dich mit mir
- 2013: Grenzenlos
- 2015: Tag X
- 2018: Licht & Schatten
Livealbe
ändere- 2015: Tag X (Deluxe-Version)
Single
ändere- 2011: Echt
- 2012: Ich bin ich
- 2012: Freundschaft
- 2013: Nie vergessen
- 2013: Grenzenlos
- 2014: Moment
- 2015: Geiles Leben
- 2018: Royals & Kings
- 2018: Schloss (Dasmo & Mania Remix)
- 2018: Du bist
- 2019: Das Krasseste
- 2020: Immer da
Uuszaichnige
ändere- Liedergut Award 2012 in dr Kategory „Nachwuchs“
- Radio 7 Award 2014 in dr Kategory „Beste Band“
- Radio Galaxy Award 2012 in dr Kategory „Newcomer“
- Radio Regenbogen Award 2013 in dr Kategory „Newcomer national“
- Wild and Young Award 2012 „Bronze“ in dr Kategory „Beste Band“
Weblink
ändere
Commons: Glasperlenspiel – Sammlig vo MultimediadateieFueßnote
ändere- ↑ Jörg Braun: “Crazy Flowers” feiern erste 5 Jahre. In: Südkurier vum 11. Novämber 2005
- ↑ Matthias Biehler: “Keine Zeit” nimmt sich die Zeit. In: Südkurier vom 26. Juli 2006
- ↑ Pressemitteilung Archivlink (Memento vom 16. Mai 2012 im Internet Archive)
- ↑ (sg): „Keine Zeit“ gewinnt. In: Südkurier vum 20. Jänner 2010
- ↑ "Freundschaft" von Glasperlenspiel feiert am 10. August Video-Premiere. Abgruefen am 10. August 2012.
- ↑ Der neue GZSZ Titelsong: Hört euch hier "Ich seh' in dein Herz" von Glasperlenspiel an. Universal Music, 20. Juni 2014, abgruefen am 19. Juli 2014.
|
Dä Artikel basiert uff ere fräie Übersetzig vu dere Version vum Artikel „Glasperlenspiel_(Band)“ vu de dütsche Wikipedia. E Liste vu de Autore un Versione isch do z finde. |