Gobanos

De Gobanos oder au Cobannos isch de Name vom keltische Schmiidgott. Sin Name bidütet »Schmiid« (kymr. gof; air. goba). Er isch au vo de Helvetier vereert wore.

Vereerig

Em Gott Cobannos sind meriri römerzitlichi Statue gwidmet wore, wo i de 1980er Joore zäme miteme Bronzechessel amene nöd bikannte Ort z Frankriich gfunde wore sind. D Fundstugg sind denn illegal uf Kalifornie broocht worde und befindet sich hüt im Getty Center z Brentwood. En anderi Dedikationsinschrift stammt us Fontenay-près-Vézelay (Dép. Yonne) und isch em [DE]O COBANNO gwidmet. Uf em Berner Zinktefeli het de Gobanos de Biiname Dobnoredos, d. i. »Weltwanderer«. E vierti Inschrift wo de Gobanos nennt, stammt us Canterbury z England.

Do ufem Nautepfiiler de Volcanus mit Schmiidewerchzüüg dargstellt werd, dörft er d Interpretatio Romana vom gallische Gott gsii sii.

De römerzitlich Gott isch verwandt mitem walisische Schmiid Govannon und em irische Schmiidgott Goibniu.

Lueg au

• Helvetischi Religio

Quelle

• Cobannos: Fontenay-près-Vézelay: AE 1993, 1198; Frankriich: AE 1994, 1915.
• Gobanos: Bern: AE 1995, 1143; Canterbury: RIB 45.