Gorgasos

De Gorgasos (altgriech. Γόργασος) isch i de griechischen Mythologii e Hailheros gsii, wo nume lokaali Bidüttig ghaa hett.

Er und sii Zwilling, de Nikomachos, sind Söö vom Machaon und vo de Antikleia. Die isch d Töchter vom Diokles, em König vom messenische Pharai.

De Machaon isch e Soo vom Hailgott Asklepios und en Enkel vom Apollon und isch im messenische Gerenia as Hailheros vereert woore. Au de Gorgasos und de Nikomachos sind i de Antiki as Hailheroe vereert wore und zwoor z Pharai, wo si nochem Tood vom Diokles as König gherrscht hend. De Kult vom Gorgasos und Nikomachos söll de messenischi König Isthmios iigfüert ghaa haa.

Quelle

• Pausanias, Raise z Griecheland 4,3,10; 4,30,3

Literatur

• Heinrich Wilhelm Stoll: Gorgasos. In: Wilhelm Heinrich Roscher (Hrsg.): Ausführliches Lexikon der griechischen und römischen Mythologie. Band 1,2, Leipzig 1890, Sp. 1694 (Digitalisat).
• Friedrich Hiller von Gaertringen: Gorgasos. In: Paulys Realencyclopädie der classischen Altertumswissenschaft (RE). Band VII,2, Stuttgart 1912, Sp. 1596.