Diokles

De Diokles (altgriech. Διοκλῆς) isch i de griechische Mythologi e König vo Pherai.

De Diokles isch de Soo vom Orsilochos und de Vatter vo de Zwilling Krethon und Orsilochos, wo im Trojanische Chrieg umchömed. Sini Töchter isch d Antikleia, wo de Machaon hürootet.

De Telemachos hett uf de Suechi noch sim Vatter Odysseus zäme mit em Peisistratos z Pharai bim Diokles öbernachtet, wo si uf Sparta gfaare sind und nomol wo si vo Sparta zruggchoo sind.

Quelle

• Homer: Ilias 5.541 ff.; Odyssee 3.488; 15.186
• Pausanias: Raise z Griecheland 4.30.3

Literatur

• Heinrich Wilhelm Stoll: Diokles 1. In: Wilhelm Heinrich Roscher (Hrsg.): Ausführliches Lexikon der griechischen und römischen Mythologie. Band 1,1, Leipzig 1886, Sp. 1021 (Digitalisat).
• Friedrich Hiller von Gaertringen: Diokles 2. In: Paulys Realencyclopädie der classischen Altertumswissenschaft (RE). Band V,1, Stuttgart 1903, Sp. 792.