Great Barrier Reef
S Great Barrier Reef (dütsch: (Groosses) Barriereriff[1] oder Groosses Barrierriff[2]) im Korallemeer vor dr Nordostküste vo Australie isch s grösste Koralleriff uf dr Wält. Im Joor 1981 isch s vo dr UNESCO zum Wältnaturerb erkläärt worde[3] und wird au as äins vo de siibe Wältwunder vo dr Natur bezäichnet. Dr britisch Seefaarer James Cook het s Groosse Barriereriff am 11. Juni 1770 entdeggt, won er dört wäärend sinere erste Südseeräise (1768–1771) mit em Schiff HMS Endeavour uf Grund gloffe isch.
| Great Barrier Reef | ||
|---|---|---|
 | ||
| Gwässer | Pazifische Ozean | |
| Geografischi Lag | 19° 23′ S, 148° 42′ O | |
| ||
| Zahl vo de Insle | knapp 1000 | |
| Gsamtflechi | 347.800 km² | |
Geografii
ändereD Laag
ändereS Great Barrier Reef lit nordöstlig vo Australie an dr Ostküste vom Bundesstaat Queensland im Südpazifik und goot vo dr Torres-Strooss vor Papua-Nöiginea bis zur Lady-Elliot-Insle, wo öbbe 75 Kilometer nordöstlig vo Bundaberg lit. Es het e Lengi vo mee as 2'300 Kilometer und goot vom 10. bis zum 24. südlige Bräitigraad.
Wäge sinere Gröössi däilt mä s Riff in meereri Abschnitt ii, vo Norde uf Süde si das
- Far Northern Section
- Northern Section
- Cairns Section (au Tropical Northern)
- Central Section (au Whitsunday Section)
- Southern Section (au Mackay Capricorn Reefs).
S Riff lit am östlige Rand vom australische Kontinentalsoggel zwüsche 30 Kilometer (bi Cairns) und und öbbe 250 Kilometer (bi Gladstone) äwägg vo dr australische Ostküste.
Es bestoot us ere Chetti vo mee a 2'900 Äinzelriff, fast 1000 Insle, wie z. B. de Whitsunday Islands oder Dunk Island, und e Hufe Sandbänk. D Flechi vom Great Barrier Reef isch öbbe 347'800 km². Mä cha s mit bloossem Aug vom Wältruum us gsee.
D Flora und d Fauna
ändereS Great Barrier Reef bildet mit sine 359 Stäikorallenarte die grössti Struktur uf dr Wält, wo vo Lääbewääse gmacht isch. Es bietet Lääbensruum für e Hufe anderi Arte, under anderem si dört 80 Arte vo Wäichkoralle und Seefäädere dehäi, mee as 1500 Fischarte[4], 1500 Schwummarte, 5'000 Arte vo Wäichdier, 800 Arte vo Stachelhüter wie zum Bischbil Seestärn, 500 verschiideni Arte vo Seetang und 215 Vogelarte.
Mä findet im Great Barrier Reef säggs Arte vo Meerschildchrotte, wo s uf dr ganze Wält nume siibe git. Drunder si au die unächte Karettschildchrote, wo vom Usstärbe bedroot si, und die pazifische Suppeschildchrote, wo im Riff iiri Äier lege. Au vom Usstärbe bedroot si d Dugong (Seechüe), wo dört lääbe. E baar Walarte chömme dört vor und d Buckelwal, wo in dr Antarktis lääbe, bringe im warme Wasser vom Riff iiri Junge uf d Wält.
D Korallestöck häi Zagge und Est, wo Schnägge und sälteni Muschle, wie zum Bischbil Arthritica-Arte, oder Stachelschnägge, wie Murex pecten, ideali Bedingige finde.
Litratuur
ändere- Neville Coleman: Tauchen und Reisen: Great Barrier Reef, Australien. Delius Klasing, Bielefeld 1997, ISBN 3-7688-1062-3
- David Doubilet: Great Barrier Reef. National Geographic, Hamburg 2002, 207 S., ISBN 3-934385-83-4.
- Roberto Rinaldi: Australien. Enzyklopädie der Unterwasserwelt. Jahr Verlag, Hamburg 1997, ISBN 978-3861322221.
- Len Zell: Diving & Snorkeling. Australia's Great Barrier Reef. Lonely Planet Publications, ISBN 978-1740591232.
Weblingg
ändere
Commons: Great Barrier Reef – Sammlig vo Multimediadateie- Great Barrier Reef Marine Park Authority (änglisch)
- Department of the Environment, Water, Heritage and the Arts (änglisch)
- Culture.gov.au (änglisch)
- Karte des Great Barrier Reef (änglisch, PDF, 1,7 MiB)
Fuessnoote
ändere- ↑ z. B. Bertelsmann Hausatlas, Gütersloh 1960
- ↑ Westermann Schulatlas, Braunschweig 1969
- ↑ Iidrag in der Wälterbliste vo dr UNESCO uf Änglisch und uf Französisch
- ↑ Fishbase: Species in Great Barrier Reef
|
Dä Artikel basiert uff ere fräie Übersetzig vum Artikel „Great_Barrier_Reef“ vu de dütsche Wikipedia. E Liste vu de Autore un Versione isch do z finde. |