Gränzzeichè

S Gränzzeichè isch è Ysebaansignaal un benamst d Gränzè, bis zu dèrè bi zämmèlaufendè Gleis s Gleis bsetzt wörrè darf. S jewylige andere Gleis darf nu befaarè wörrè, wenn s bsetzti Gleis gränzzeichèfrei isch. D Bedièner vom Stellwärk stellt sell im Raamè vo dè Faarwärkbrüèfig fescht, bevor er è Zugfaart mit èm Signals durchs Signal Hp 1 oder Hp 2 frei git. Er berücksichtigt deby au, dass sich èn devor ygfaarenè Zuug nõch èm Aahaaltè durch s Entschpannè vo dè Pufferfèdèrè nõ öppis „streggè“ ka un deby s devor frei gfaareni Gränzzeichè widder übbersetzt. Bi Gleis, wo mit èrè Gleisfreimeldeaalaag uusgrüschtet sin, wörd disell Bedingig technisch sichergschtellt. D Isolyrgränz vom Gleisschtrômkreis bezièigswys vom Achszellèr isch dezuè nit uumittelbar am Gränzzeichè, sondern mindeschtens sechs Metèr dehinter inschtallyrt.

Signaal Ra 12/So 12, Gränzzeichè

Di gnaui Position vom Gränzzeichè wörd durch dè Mindeschtgleisabschtand vo dè beidè zämmèlaufendè Gleis in Abhängigkeit vo dè Übberhöhig un èm Radius beschtimmt. Well s Gränzzeichè nu für dè Rangyrbetrièb vo Bedütig isch, wörd dè Mindeschtgleisabschtand für Rangyrgschwindigkeitè aagluègt un stôt dôher i dè Regèl bi Normalschpurbaanè bi èm Gleisabschtand vo nu 3,50 Metèr. Bi Drei- un Virschinnègleis könnet meereri Gränzzeichè, jewyls für Normal- un Schmalschpur, vorhandè sy.

Länderspezifischi Variantè

Hemmschuè­schtänder als Gränz­zeichè (Dütschland)

Z Dütschland isch s Gränzzeichè meischtens èn chlynè Pflock us Bedong odder Holz, mit èrè druff bfeschtigtè root-wyß vo obbè nõch unnè gschtreiftè Metall- odder Keramikhuubè odder au nu als Holzpflock odder Profilysè mit root-wyßem Farbaaschtrich im Schotter zwischè dè beidè Gleis uffgschtellt, welli i dè Weichè odder Chrützig zämmèlaufet. Alternatyv ka au je ei Gränzzeichè nebbè dè innerè Schinnè vo dè beidè zämmèlaufendè Gleis aabrocht sy. Well diè Bschtimmigè vo dè jewyls geltendè Signaalordnigè nu "è root-wyßes Zeichè" vorschrybè, isch d Form abber nit feschtglait, es kunnt nu uff d Farbgebig aa. Ußer dè hauptsächlich üblichè Metall- odder Keramikhuubè könnet dõher anderi Formè vorkõ. Es ghört zu dè Rangyrsignaal un trait i dè weschtlichè Bundesländer d Bezeichnig Ra 12, i dè öschtlichè Bundesländer d Bezeichnig So 12

I dè Schwiz isch s Gränzzeichè wie z Dütschland als Pflock mit Huubè uffbaut, allerdings in root un nit root-wyß gschtreift. D gääli Version isch s Ènd odder Aafang von èrè Gleisfreimeldeyrichtig. Wenn s Gränzzeichè uff èm Bodè uffgmôlt wörd, isch es è länglichs Rèchtegg, wo je zwei wyßi un rooti diagonal aagordneti Flächè hèt.

In anderè Länder isch es è schwarz-wyß gschtreiftè Balkè odder Stei (Öschterrych, Ungarn), odder sogar nu èn wyßè Balkè (Italiè).

Bi Strõßèbaanè isch es meischtens èn quer zu dè Fahrrichtig uffgmôltè Strich.

• 
  Bosition vom Gränz­zeichè mit Detailaasicht (Dütschland)
• 
  Gränzzeichè bi nèrè Chrützig­weichè (Dütschland)
• 
  Gränzmarkè (Österreich)
• 
  Gränzmarkè („Námezník“) (Tschechiè)
• 
  Strõßèbaan-Gränzmarkè (Tschechiè)

Dä Artikel basiert uff ere fräie Übersetzig vu dere Version vum Artikel „Grenzzeichen“ vu de dütsche Wikipedia. E Liste vu de Autore un Versione isch do z finde.