Hanna Nitsch

D Hanna Nitsch (* 11. Meerz 1974 z Fryburg isch e dytschi Chinschtleri. Mer chännt si allem fir iri grooßformaatige Tuschmoolerei uf Babyyr un iri Fotoseerie.

Lääbe un Wiirke

D Nitsch isch in eme Doorf im Schwaarzwald ufgwagse. Si het Filosofy un Germanischtik studiert un schließli Freii Chunscht bim Peter Dreher un dr Silvia Bächli an dr Staatlige Hoochschuel fir Gstaltig Charlsrue un bim Klaus Stümpel an dr Hoochschuel fir Bildendi Chinscht Braunschweig. Anne 2003 isch si in d Begaabtefeerderig vum Cusanuswerk ufgnuu woore un het s Stuudium 2007 mit em Maischterschuelerstipändium un em Max-Ernst-Stipändium vu dr Stadt Brühl (Rheinland) abgschlosse. 2009 het si dr „Preis der Nordwestkunst“ kriegt vum Verein der Kunstfreunde für Wilhelmshaven e. V.

Anne 2020 isch ere dr Chunschtbryys vu dr SPD-Landdaagsfrakzioon Niidersagse verliie woore. In irem chinschtlerische Wäärch duet si konzeptuäll un mit moolerische Mittel stereotypi Voorstellige vu Rollebilder, Gschlächterrolle, Identiteet un Sexualiteet hinterfrooge.

D Nitsch isch ghyroote un het drei Chinder. Si läbt mit ire Familie z Braunschweig.

Uusstellige (Uuswaal)

• 2009 Janeinvielleichtfürimmer, Chunschtverain Wolfenbüttel
• 2011 Fleurs du mal, Chunschtverain Augschburg
• 2012 Elisabeth, Johanniterchilche Fäldkirch (A)
• 2014 Trying to be like, Stedtischi Galery Schorndorf
• 2015 Hanna Nitsch – Be Patient Volume 1, Stedtischi Galery Wolfsburg
• 2016 Hanna Nitsch – Be Patient Volume 2, Chunschtmuseum Wiesbaden
• 2018 Hanna Nitsch – Großer Wurf 1, Halle267 – Stedtischi Galery Braunschweig

Weblink

• Websyte vu dr Hanna Nitsch

Fueßnote

Dä Artikel basiert uff ere fräie Übersetzig vu dere Version vum Artikel „Hanna_Nitsch“ vu de dütsche Wikipedia. E Liste vu de Autore un Versione isch do z finde.