Hansfrieder Geugelin

Dr Hansfrieder Geugelin (* 29. April 1945 z Hägelberg; † 26. Jänner 2020) isch e dytsche Dialäktautor gsii.

Lääbe

Dr Geugelin isch z Hägelberg uf d Wält chuu, wel sy Mueter in dr letschte Chriegsdääg us Efrige-Chilche het mieße flichte. Wun er dryzee Moonet alt gsii isch, isch sy Mueter gstoorbe, sy Vater isch um des Zyt no in dr franzeesische Chriegsgfangeschaft gsii. Wäge däm isch er bi syne Grooßeltere Sofie un Ernst-Friedrich Bürgin z Efrige-Chilche ufgwagse. Mit drei Joor isch er zum Brueder vu sym Vater uf Hertinge chuu. Wun er zeeni gsii isch, het en dr Vater, wu wider ghyroote ghaa het, zue si ghoolt.

No dr Schuel het er Muurer gleert un mit 24 Joor dr Maischter gmacht. Wu s Böugwärb gsäärblet het, het er anne 1977 umgsattlet un bi dr Roche z Chränzech as Chemyfacharbaiter aagfange, wun er bis zue syre Ränte gschafft het.

Anne 1974 het er ghyroote un isch derno mit syre Frau Elisabeth uf Aimeldinge zooge. Si hän zwee Siin kriegt, Markus un Hanspeter, un e Huus böue, wun er bis zue sym Dood gläbt het.

Vu 1999 bis 2009 isch er fir di Freie Weeler im Gmairoot vu Aimeldinge ghockt, vu 2004 bis 2009 isch er Stellverdrätter vum Buurgermaischter Hansjörg Rupp gsii.

Syt Ändi vu dr 1970er Joor het dr Geugelin Gediicht, Gschiichte un Theaterstuck uf Alemannisch gschriibe, unter anderem het er im Aigeverlaag drei Biechli mit alemannische Gediicht uusegee. E Dail vu syne Gediicht sin vertoont woore, zem Byschpel vum Gerbert Mutter un em Werner Wißner. Unter em Titel Aus dem Leben eines Markgräflers het er d Gschiicht vu sym Lääbe ufgschriibe.

Zäme mit em Musiker Werner Wißner un dr Dialäktautori Christa Heimann-Buß het er anne 1999 s Trio Blauewind grindet, wu bis anne 2017 zäme im siidbaadische Ruum ufdrätte sin.

Vum 6. Juni 2010 bis zum 7. Meerz 2017 het dr Geugelin unter em Name „Hage“ d Mundartkolumne „Dr Wiigeischt“ in dr Wyyler Zytig gschriibe. Insgsamt sin rund 200 Kolumne erschiine. Fir dr Lokaaldail vu dr Baadisch Zytig het er ab un zue Artikel iber Aimeldinge gschriibe.

Dr Hansfrieder Geugelin isch aktive Sänger gsii, scho mit 16 Joor isch er in dr Sängerbund Efrige-Chilche yydrätte, syter 2003 het er derno im Aimeldinger Männerchor „Liederkranz“ gsunge, ab 2015 bis zue dr Ufleesig vum Verain anne 2018 isch er Vorsitzer gsii. Au im Hebelbund un dr Hermann-Burte-Gsellschaft isch er Mitglid gsii, derzue im TuS un in dr Fritzenkameradschaft. Bi dr Hebelfrynd z Hertinge het er zue däne gheert, wu dr Hebelschoppe organisiert hän. Derzue isch er au Mitgliid in dr Muettersproch-Gsellschaft gsii.

Dernääbe het er e weng buurt, het Rääbe ghaa un aigene Wyy gmacht un isch z Aimeldinge Räbbammert gsii.

Am 26. Jänner 2020 het dr Hansfrieder Geugelin d Auge fir alliwyl zuegmacht.

Wäärch

Biecher

Edelbrünneli. Eigenverlag 1985
Lutteri Beeri. Eigenverlag 1988
Brennts. Eigenverlag 1995
Aus dem Leben eines Markgräflers. Eigenverlag 2008

Mundartspiil

Chrüter-Max. Eigenverlag
Dr Rüttibur. Eigenverlag

Liedtäxt

E Lied vum guetedle Wii. Lied für Männerchor. Weise von P. G. Watkinson. Eigenverlag
Markgräfler Sänger. Lied für Männerchor. Weise von P. G. Watkinson. Eigenverlag
Mein Schatz. Lied für gemischten Chor. Weise von G. Mutter. Böhm Verlag, Augsburg

Literatur

Autoren aus dem Dreiländereck. In: Alemannisch dunkt üs guet I/II 2000, S. 34–35

Weblink

dr Hansfrieder Geugelin uf dr Websyte vu dr Muetersproch-Gsellschaft
Täxtprobe vum Hansfrieder Geugelin uf dr Websyte vu dr Trachtengruppe Todtnauberg
Ein Markgräfler mit verschiedenen Talenten, Weiler Zeitung, 29. April 2015
Ein Mann vieler Fähigkeiten feiert 70. Geburtstag, Badische Zeitung, 29. April 2015
Immer wieder zum Nachdenken angeregt, Weiler Zeitung, 7. Meerz 2017
Der Heimatdichter Hansfrieder Geugelin aus Efringen-Kirchen ist gestorben, Badische Zeitung, 27. Jänner 2020
Geugelin hinterlässt Spuren, Weiler Zeitung, 27. Jänner 2020
Doodesaazaig, Badische Zeitung, 29. Jänner 2020