Hauptmenü ufmache

Hauchdeutsch isch e scherzhafti Bezeichnig für schlächts Standard-Tüütsch wo vomene Schwiizer Alemannisch-Sprächer gredt wird. De Begriff spillt mit 'Hyper-Bildige' zu de Früeneuhochtüütsche Diphthongisierig, da heisst, en Hööchalemannisch-Sprecher wo beobachted dass zum Bispil Huuch im Standardtüütsche zu Hauch worden isch, chönnti uf d Idee choo, das au hööch zu hauch worde wäri. Dettigi Fähler sind hüüfig bi Schwiizer Chind wo aafanged Standard-Tüütsch rede, aber eigentlich sind d Vokalwandel regelmässig, da heisst, es git keis öö wo zu au worde wäri, und uu werded immer zu au. Abbr je nôch Tialêkkt giits das a alemannischas "oo" uf Tüttsch a "au" isch, wia i "oo" und "auch".

Umgekehrti Hyper-Bildige beobachted me bi Tüütsche wo i de Schwiiz aasässig sind und aafanged s Hööchalemannische z imitiere. Füre en Tüütsche isch es undurchsichtig, wiso zum Bispil Staub im Hööchalemannische au Staub heisst, aber saugen im Hööchalemannische monophthongisch isch, suuge. Drum isch es für en Sprecher vom Mitteltüütsche und Schwäbische nöd verhersägbar, öb Staubsauger im Hööchalemannische Staubsauger, Stuubsauger, Staubsuuger oder Stuubsuuger heisst (richtig isch Staubsuuger; usem Hööchalemannische laat sich hingäge Standardtüütsch Staubsauger problemlos ableite: au bliibt unverändered, und uu wird regelmässig zu au).

Lueg au underBearbeite