Haus zum König David (Basel)

S Huus zum König David isch e Woonhuus an dr Sevogelstrooss 69 z Baasel. Es isch äins vo de Baasler Kulturgüeter, wo für d Region vo Bedütig si.

S Huus zum König David
Dialäkt: Aagglobaseldütsch

Baugschicht ändere

S Huus stammt us em Joor 1889 und isch vom Rudolf Friedrich (1853-1927) as Äifamiliehuus im Nöirönessansstiil baut worde. Es het zwai Stöck und oobe uf em Dach Mansarde. Dr Brueder vom Baasler Mooler Hans Sandreuter (1850-1901), dr Emanuel Sandreuter, won e Muusigliebhaaber gsi isch, het s in Ufdraag gee. Dr Hans Sandreuter het d Juugedstil-Sgraffiti im erste Stock gmoolt, wo Muusiker, Sänger und Sängerinne in antikisierende Chläider daarstelle. Äini vo de Figuure isch dr Köönig David mit ere Harfe, wo im Huus dr Naame gee het.[1] Im Bardeer het s e dekorativs Band mit eme Laufende Hund. 1942 si d Sgraffiti zum erste Mol restauriert worde und wider 1958 und 1994 und denn het mä au s Vordach müesse flicke.[2] 2016 isch d Terasse renowiert worde.[3]

Fuessnoote ändere

  1. Neubad Magazin: "Erbauliches Basel", Oktober 2012, Nr. 17, S. 14
  2. Kantonale Denkmalpflege Basel-Stadt: 2015, Bau- und Verkehrsdepartement des Kantons Basel-Stadt
  3. Stamm Bau AG: Umbau Terrasse