S Huus zum Kirschgarte

Dialäkt: Baseldütsch

S Huus zum Kirschgarte isch e Stadtbalast an dr Elisabethestrooss z Basel in dr Schwiz.

S Huus zum Kirschgarte: d Hauptfassade an dr Elisabethestrooss.

Gschicht ändere

S Huus zum Kirschgarte isch zwüsche 1775 und 1780 as Woon- und Gschäftshuus vom Archidekt Johann Ulrich Büchel (1753–1792) für e Basler Siidebandfabrikant Johann Rudolf Burckhardt, wo denn 25 Joor alt gsi isch, baut worde. Dr Burckhardt het s Huus aber nit lang brucht. Scho 1797 isch er uf si Landguet Ernthalde z Gälterchinde züüglet.

S Huus zum Kirschgarte, wo vor allem mit sinere filigrane Sandstäifassade, mit dr grosszügige Kutschepassaasche dur s Hauptportal und mit eme imposante Stäägehuus besticht, stellt für Basler Verheltniss en eender ungwöönlig hooche Representazionsaaspruch. Im Huus spieglet sich dr Status vom Burckhardt, wo äine vo de vermöögendste und iiflussriichste Basler zu sinere Zit gsi isch.

Museum ändere

Lueg au: s Kirschgaardemuseum

Im Lauf vo dr Zit het s Huus meermols si Bsitzer gwäggslet. Sit 1951 isch s as Däil vom Historische Museum Basel für s Publikum offe. D Duurusstellige im Huus zum Kirschgarte si hauptsächlig dr Basler Woonkultur vom 18. und 19. Joorhundert gwidmet. Eebefalls cha mä do Spezialsammlige gsee, wo internazionali Bedütig häi, wie d Borzellansammlig vo dr Pauls-Eisenbeiss-Stifdig, d Uuresammlige vo dr Leni und vom Carl Nathan-Rupp und Eugen Gschwind, und wüsseschaftligi Instrumänt, Basler Silber und Schbiilzüüg.

Litratuur ändere

  • Burkard von Roda, Benno Schubiger, Lukas Hartmann u. a., Das Haus Zum Kirschgarten und die Anfänge des Klassizismus in Basel, "Sehnsucht Antike", Historisches Museum Basel. Begleitpublikation zur Ausstellung 1995 - 1996.

Weblingg ändere

  Dä Artikel basiert uff ere fräie Übersetzig vum Artikel „Haus_zum_Kirschgarten“ vu de dütsche Wikipedia. E Liste vu de Autore un Versione isch do z finde.

Koordinate: 47° 33′ 7,3″ N, 7° 35′ 28,8″ O; CH1903: 611496 / 266822