Dr Höibärg z Baasel

Dialäkt: Baseldütsch

Dr Höibärg isch e Strooss in dr Altstadt vo dr Schwizer Stadt Baasel und dr Naame vo dr Erheebig, wo d Strooss druf lit. Si foot bim Spaalebärg aa und verlauft öbbe parallel zum Lienertsgraabe, em alte Stadtgraabe vor dr Innere Stadtmuure.

Uschnitt us dr Stadtaasicht vom Matthäus Merian em Eltere im 17. Joorhundert[1]
1: s Innere Spaaledoor
2: dr Spaalebärg
3: dr Höibärg
4: dr Underi Höibärg
5: dr Gämsbärg
6: dr Leonhardgraabe
7: s Trillegässli
8: d Schnaabelgass
9: dr Noodlebärg
10: d Rosshoofgass
11: dr Spiesshoof
14: s Lienertsklooster

Der Naame Höibärg erinneret draa, ass es früener dört e Hufe Schüüre und Ställ ghaa het. Au hüte het dä Däil vo dr Altstadt non e bitzeli dr Charaggter vom ene Dorf.[2]

Seenswürdikäite uf em Höibärg ändere

Äins vo de schönste Rönessanshüüser z Baasel isch dr Spiesshoof an dr Nummere 5-7. Für d Sanierig dur e Christian Lang, wo scho s Hotel Les Trois Rois saniert het, het s 2010 vom Häimetschutz e Briis gee.

Anderi Seenswürdikäite am Höibärg si s gotische Woonhus «Zum Oobere Aarau» und s Frey-Grynaeum mit eme wunderschööne Gaardehoof in dr Nummere 33. Das isch dr Sitz vom Frey-Grynaeische Instidut vo dr Theologische Fakultäät vo dr Uni Basel, wo uf e Stifdig us em Joor 1747 zruggoot.[3] S Instidut het e bedütendi historischi Uniwersalbibliothek vo meerere duusig Bänd vo de Aafäng vo dr Buechdruckkunst bis ins 19. Joorhundert.[4]

Fuessnoote ändere

  1.  
    Die ganz Aasicht vo dr Stadt Baasel vom Matthäus Merian em Eltere vo 1642.
  2. Die Basler Altstadt: Spalenberg, Gemsberg und Heuberg uf mybasel.ch, abgrüeft am 18. Februar 2014
  3. Das Frey-Grynaeische Institut (Memento vom 21. Dezämber 2016 im Internet Archive), abgrüeft am 18. Februar 2014
  4. Historische Bibliothek, abgrüeft am 18. Februar 2014

Weblingg ändere

Koordinate: 47° 33′ 23,1″ N, 7° 35′ 8,8″ O; CH1903: 611076 / 267311