Hochschuel für Technik und Wirtschaft HTW Chur
D Hochschuel für Technik und Wirtschaft HTW Chur isch e regionali Hochschuel mit ere nationale und internationale Uusstraalig. Si hät öppe 1600 Studänte. Als Abschlüss gits Bachelor- und Masterdiplom und Wiiterbildigzärtifikat. Es git Studiegäng für "Ingenieurbou/Architektur", "Informationswüssenschaft", "Management", "Multimedia Production", "Technik" und "Tourismus". D HTW isch 1963 als Abigtechnikum Chur gründet worde.
| Hochschule für Technik und Wirtschaft Chur | |
|---|---|
| Gründig | 1963 |
| Drägerschaft | staatlich |
| Ort | Chur, Schwiiz |
| Rektor | Jürg Kessler |
| Johresbudget | 40.7 Mio CHF (2013) |
| Website | www.htwchur.ch
 |
Gschicht ändere
Scho 1963 isch z Chur es Abigtechnikum gründet worde. De Unterricht isch i Schuelhüüser vo de Stadt gsi, won am Abig ja läär sind. 1972 isch s Abigtechnikum vom Bund als Höcheri Technischi Leeraastalt (HTL) anerkännt worde. Spöter hät mer au Wirtschaftsfächer is Programm ufgna.
Erscht 1990 sind s erschti Mal Vollziitstudiegäng apotte worde. Es Jaar Spöter isch d Abtäilig für Betriibswirtschaft usglideret worde und häd Höcheri Schuel für Wirtschaft und Verwaltig ghäisse (HWV). D HWV häd a de Commercialstrass Rüüm gmietet. De Reschte vo de HTL hät Hochschuel für Technik und Architektur ghäisse und isch in architektonisch markante Nöibou a de Pulvermülistrass zoge. Aber scho im Jahr 2000 händ sich die bede bündner Hochschuele wider zämegschlosse. Sit dänn häisst si Hochschuel für Technik und Wirtschaft HTW Chur.[1]
Institut ändere
Schwiizerischs Institut für Informationswüsseschaft ändere
S Schwiizerische Institut für Informationswüsseschaft betriibt s Schwiizer Portal für d Röchärsche im Internet.