Humànischtischa Bibliothek vu Schlettstàdt

Dialäkt: Mìlhüüserisch

D Humànischtischa Bibliothek vu Schlettstàdt befìndet sìch ìm Zentrum vu dr Stàdt, sa enthàltet a riicha Sàmmlung vu àlta Biacher. Grìnda ànna 1452, sa ìsch a Zeuignis vu dr Zitt wo Schlettstàdt a Hàuiptort vum Humànismus gsìì ìsch.

D Bibliothek vu dr làtiinischa Schüel

Ànna 1441 ìsch dr Ludwig Dringenberg (1410-1477) dr Leiter vu dr làtiinischa Schüel worra. Speeter sìn aui dr Kraft Hofman (1477–1501), dr Hieronymus Gebwiler (1501–1509) un dr Hans Sapidus (1510–1525) Leiter vu dr Schüel worra un han sa àls Hàuiptort vum Humànismus ànabrocht.

A Bibliothek hàt derzüe gheert, àss d Schialer studiara han känna. Sa ìsch ànna 1452 grìnda worra, numma mìt'ma pààr Biacher. Sa ìsch noochhar dur Stìftunga un Verschankung vìel greeßer worra.^[1]

Dr Hans von Westhus hàt àm 13. März 1452, àlso gànz àm Ààfàng, sina Hàndschrìftasàmmlung gschankt, dàs heißt ebbena zwanzig großa Biacher.
Dr Johann Fabri hàt ànna 1470 zwälf Biacher gschankt.
Dr Ludwig Dringenberg hàt, kurz vor sim Tod, àlla sina Biacher gschankt.
Dr Jakob Wimpfeling hàt, jedes Mol wo-n'r uf Schlettstàdt z'Besüech kumma ìsch, Ìnkunàwel gschankt.
Dr Martin Egersheim, Pfàrer vu Schlettstàdt vu 1503 bis ànna 1518, hàt sina eigena Biblothek gschankt, dàs heißt ìwer hundert Biacher.

D Bibliothek vum Beatus Rhenanus

Bibliothek vum Beatus Rhenanus,
Stàtütta vum Johannes Mentelin

Àm 13. Juli 1547, hàt dr schlettstàdter Humànischt Beatus Rhenanus sina eigena Bibliothek ìn dr Stàdt Schlettstàdt vermàcht. Das heißt, ungfahr 670 Biacher, wo-n'r si gànza Lawa làng gsàmmelt hàt.

Dàs ìsch d eizigschta Biachersàmmlung vu'ma Humànischt wo gànz blìewa ìsch; àlla àndra sìn mìt dr Zitt üsnànder gànga. Sa ìsch ànna 2011 vu dr UNESCO àls Waltdokumantaerwa ànerkànnt worra^[2]^[3]

Sa befìndet sìch in'ma Sittasalala vu dr Bibliothek, gschìtzt hìnter'ma Gatter.

S Gebäi

Zitter 1889 befìnda sìch dia zwei Bibliothek ìn eim Gebäi: ìm ehmàliga Markthàlla nawa dr Kìrch St. Georg. Dia Hàlla ìsch ànna 1843 bàuia worra fer s Hàndel vu da Getraida. Ànna 1888 ìsch a zweiter Stock derzüe gmàcht worra, wo d humànischtischa Bibliothek empfàngt.

Externa Links

Commons: Humànischtischa Bibliothek vu Schlettstàdt – Sammlig vo Multimediadateie
Websitt vu dr Bibliothek (fr)

Referanz

↑ Flugblätt vu dr Humànischtischa Bibliothek
↑ Ànerkennung vu dr Bibliothek vum Beatus Rhenanus dur d UNESCO, uf unesco.org (en)
↑ Ànerkennug dur d UNESCO, uf selestat.fr (fr) Archivlink (Memento vom 25. April 2013 im Internet Archive)

[1] Flugblätt vu dr Humànischtischa Bibliothek

[2] Ànerkennung vu dr Bibliothek vum Beatus Rhenanus dur d UNESCO, uf unesco.org (en)

[3] Ànerkennug dur d UNESCO, uf selestat.fr (fr) Archivlink (Memento vom 25. April 2013 im Internet Archive)

[1]

[2]

[3]