Ocksagassla (Mìlhüüsa)
S’ Ocksagassla (offiziäll ìm zwaischproochiga Schtroossaschìld Ochsegàsslà; uff Frànzeesch Impasse des Bœufs)[1] ìsch a klaina Sàckgàssa ìm Schtàdtzäntrum vu Mìlhüüsa.
| Dialäkt: Mìlhüüserdiitsch |
wu ’s lììgt ändere
S’ Ocksagassla fàngt àn dr Kriizung vu dr Rue des Bons-Enfants, dr Metzgergàss un dr Gàrwergàss. Sa làuift uff äbba 40 Meeter ìn Rìchtung Nordwäscht.[2]
Gschìchta ändere
Ànna 1561 ìsch d’ Schtrooss unter’m Nàmma Grossheintzen Gasslein bekànnt gsìì — àn dara Schtrooss hàt d’ Fàmìlia Grossheintz glabt. Uff’m Plàn vum Merian ànna 1642 hàt sa kää Nàmma trajt. Ànna 1798 ìsch sa Ochsen Gasslein gnännt worra — sallamols ìsch àn dr Wìnkel vu dr Metzgergàss a Schlàchthüüs gsìì. Ìn siim Schtrossaverzaichniss vum Joohr 1815 hàt dr Mathieu Mieg ìn dr Schtross zwai Nàmma gaa: Ochsen Gasslein uff Diitsch un rue du Bœuf uff Frànzeesch — bœuf ìsch s’ frànzeescha Wort fìr „Ocksa“. Schpeeter hàt maa àn dr Verbìndung mìt dr Schmììdgàss zwai Hiiser bàuja — domìt ìsch d’ Ocksagàss a Sàckgàssa worra. Dur a Verordnung vum Mìlhüüser Gmaindaroot àm 11. Nowamber 1843 hàt d’ Gàssa offiziäll dr Nàmma Impasse du Bœuf bikumma — impasse bediitet aifàch „Sàckgàssa“.
Àn dr Zitt vum Riichslànd Elsàss-Lothrìnga hàt sa àb 1882 uff Diitsch Ochsengasse ghaissa. Noh-n-em And vum Äärschta Waltkriag ìsch sa ànna 1919 Impasse des Bœufs gnännt worra. Àm 16. Àuigscht 1940 hann sìe d’ Nàzis nochamol Ochsengasse gnännt, un noh dr Befräijung vu Mìlhüüsa ànna 1944 ìsch dr frànzeescha Nàmma z’ruckkumma.
Àm Äcka vu dr Gàrwergàss ìsch bis 1449 dr Sìtz vu dr Schüamàcher-Kärwerschàft gsìì.
wàs doo z’ sah ìsch ändere
- Àm Nr. 8 ìsch a Hüüs üss’m 16. Joohrhundert. ’S hàt Fanschter mìt Zwìschapfäschtla; dàs ìsch tüpisch vu dr Renaissance.
Lìteràtüür ändere
- Impasse des Bœufs. In: Conseil Consultatif du Patrimoine Mulhousien, Société d’Histoire et de Géographie de Mulhouse (Hrsg.): Les rues de Mulhouse : Histoire et Patrimoine. JdM Éditions, Mìlhüüsa 2009, ISBN 2-915836-67-1, S. 79 (französisch, Erstausgabe: 2007).
Ainzelnoohwiisa ändere
- ↑ Boeufs (impasse des) / Ochsegàsslà. In: Zweisprochiga Strossaschìlder ìn Mìlhüsa. 23. August 2016, abgruefen am 5. Februar 2023 (französisch).
- ↑ Gmässt mìt’m Google Maps
Koordinate: 47° 44′ 50,9″ N, 7° 20′ 12,7″ O