Interclub isch die nationali Team Meisterschaft vom Schwizer Tennisverband und wird vo Swiss Tennis usgrichtet. Dä Interclub isch 1911 is Läbä gruefä worde. Sit 1911 wird jedes Jahr s'besti Tennis-Team vo de Schwiz gchrönt. D Zahl vo dä beteiligte Teams isch sit 1911 stark gwaggse. Damals sind nur nün Teams gstartet i dä ersti Interclub vo dä Schwiz. Hüt sind s ca. 4300 Mannschaftä, wo sich jedes Jahr wider für dä Interclub amäldid. Um am Interclub teilznä, isch än Interclublizentz nötig, wie au ä Mindestzahl vo Spiiler und Spiilerinnä i ämä Club, wo zu dem Team ghöret. Die Mindestzahl entspricht dä Zahl vo dä Einzel vo dä jeweilige Kategory, wo gspiilt werde.

De Dieter Kindlmann, NLA Finalrundi, uff de Aalag vum TC Lido Luzärn.

GschichtBearbeite

1904 isch bereits zum erste mal än Wettkampf zwüsche mehrere Clubs ustreit worde, damals no undär äm Name «Coupe Sunlight». Erst 1911 isch dä ersty Interclub vo nün Teams ustreit wordä. Es händ im erste Interclub, wo no «Championnat Interclub» gnennt wordä isch, folgendy Teams mitgspiilt: Genf, Lausanne, Neuchâtel, Montreux, Bern, Basel, Züri, Schaffhuse und Ragaz. Damals sind pro Begägnig nur 2 Herreneinzel und eis Herredoppel ustreit wordä. Däbi isch d'Schwiiz i zwei Regione ufteilt worde. D Gränzä verlauft vom Südändi vom Puschlavertal uff Saignelégier, wobi Bern no zu dä Romandie ghört. Die erstä Mannschaftä us de beidä Regione spiilet im Final uf neutralem Terrain gägä nander. Genf hät damals dä ersty Schwiizer Interclub Titel gholt.

 
Uffteilig vo de Schwiiz in zwei Regione nooch em Interclub Reglement

1922 isch ä zweity Série ygführt wordä, nämlich Série B. I dä Série döfid vo dete a nur no Spiiler teilnäh, wo au d Klassierig Série A händ und i dä Série nur die Spiiler wo Klassierig Série B händ. Es daf sich jede Club für dä Interclub amelde wo mindestens 4 Spiiler mit dä entsprächende Klassierige händ. Eis Jahr später (1923) isch än neuä Modus igführt wordä. Es wärdid neu drü Herreneinzel und zwei Herredoppel gspiilt. 1925 sind zum erste mal Fraue im Interclub däbi. Sie spiiled i dä Série A und spiilet zwei Einzel und eis Doppel. 1927 werdid die zwei Regione i drüer Gruppe unterteilt und jede Gruppäersty spiilt nacher gägä jede andere Gruppäersty. 1936 gid s wider neuy Ligäne, bi dä Herre Série A,B, C und bi dä Dame Série A und B. 1939 wird d'Schwiiz erstmals i vier Regione unterteilt: Westschwiiz, Zentralschwiiz, Ostschwiiz und Südschwiiz. Im Halbfinal spiilet dä jeweils Westschwiiz gegä Zentralschwiiz und Ostschwiiz gege Südschwiiz. 1940 nimmt Zahl vo dä Interclub Mannschafte erstmals ab, wägä dä Kriegsmobilmachig. 1942 wird bi dä Herre und bi dä Dame d'Série D igführt. 1943 werdid erstamls vier Herreneinzel und zwei Herredoppel gspiilt. Uf grund vo dä Série D hed sich Zahl vo de Mannschafte versächsfacht uf rund 401 Teams. Erst 1953 wird än eigeni Liega für d Seniore ( 40 +) igführt. 1964 wird Série A vo dä Herre i NLA und NLB unterteilt mit ämä Uf- und Abstiegsprinzip. Es wärdid neu 4 Herreneinzel (best of 5) gspiilt und 2 Herredoppel (best of 3). 1966 wird än Veschränkig für Usländer gesetzt. Sit denne sind nur no zwei Usländer i dä NLA erlaubt und bi dä Dame nur eini. Aber Usländer, wo ihre Wohnsitz sitt drü oder mee Jahr i dä Schwiiz händ, sind mit dä Schwiizer glichstellt. 1969 wird au bi dä Dame NLA und NLB igführt, äbäfalls mit dä Uf- und Abstiegsregelig. 1971 wärdid neu Uf und Abstiegsregeliege i alle Liga igführt. 1972 wird s Tie-Break i allnä Sätz igführt. 1974 wird neu bi dä Dame vier Dameeinzel und zwei Damedoppel gspiilt. 1977 sind erstmals drü Juniorekategorie gschaffe wordä: 18U, 16U, 14U. 1979, 68 Jahr nach dä Yführig vom Interclub nämid erstmals über 2000 Teams teil. 1982 wärdi erstmals alli Resultat und Klassirige elekronisch festghalte. 1984 sinds bereits über 3000 Teams, wo am Interclub teilnämid. 1990 wird än Liga für d Jungsenioren igführt. 1992 nämid erstmals mee als 4000 Teams am Interclub teil. 2000 wärdid alli Interclub Resultat erstmals im Internet veröffentlicht. Äbefalls i dem Jahr entstad än Kategori und zwar Oldies ( 65 +). 2005 tritt ufgrund vo dä Bilaterale Verträg d' Ufhebig vo dä Begränzig vo dä Usländer i dä NLA, und NLB usser Chraft. 2006 händ bis jetzt am meiste Mannschaftä am Interclub teilgno, es sind 4398 Teams gsi. 2008 tritt Begränzig vo dä Usländer i dä NLA und NLB wiider i Chraft.

Spiilmodus und KategorieBearbeite

Kategory Zahl vo de Einzel Zahl vo de Doppel
Juniorä C 2 1
Juniorä B 4 2
Juniorä A 4 2
Aktivi, Jungseniorä 3 Liga 6 3
Aktivi, Jungseniorä 2 Liga 6 3
Aktivi, Jungseniorä 1 Liga 6 3
Aktivi, Jungseniorä NLC 6 3
Aktivi, Jungseniorä NLB 6 3
Aktivi, Jungseniorä NLA 6 3
Seniorä 5 2
Veteranä 4 2
Oldis 4 2
Juniorinnä C 2 1
Juniorinnä B 2 1
Juniorinnä A 2 1
Aktivi, Jungseniorinnä, Seniorinnä 3 Liga 5 2
Aktivi, Jungseniorinnä, Seniorinnä 2 Liga 5 2
Aktivi, Jungseniorinnä, Seniorinnä 1 Liga 5 2
Aktivi, Jungseniorinnä, Seniorinnä NLC 5 2
Aktivi, Jungseniorinnä, Seniorinnä NLB 5 2
Aktivi, Jungseniorinnä, Seniorinnä NLA 5 2
Ladies 4 2

GruppespiilBearbeite

Jedes Team, wo sich für dä Interclub agmeldet hed, wird in ä 4er Gruppä iteilt, usser NLA, wo inärä 6er Gruppä spilet und dä 3. Liga wo inärä 5er Gruppä iteilt wird. Jedes gwunneny Match bringt dä Mannschaft ein Punkt. Es wird usserdem Sätz so wie Games zählt. Es wir immer best of 3 gspilt und bim Stand vo 6:6 wird dä Satz im Tiebrake usgspilt. In ärä Gruppä spilt jedes Team gegä jedes andery Team. Di Heim und Uswärtsspiil wärdit vo Swiss-Tennis usglost. I dä Regel sorgt s Heimteam für d Verpflegig vo dä Spieler.

SetzregeligBearbeite

Bevor än Interclub Begägnig startä chann, münd die jewiligä Kaptäns vom Team ihre Spiiler uf än „Setzliste“ iträgä. Mä muss de am stärkschte klassierty Spiiler uf Position eis setze, dä am zweit stärkschte klassierty Spiiler uf Position zwei usw. Wenn zwei oder mehreri Spiiler die glich Klassirigstärchi händ, cha dä Kaptän entscheidä, welle Spiiler er vor dä ander setzt. Im Einzel werdät jewyls die beide Spiiler, welly uf Position eis gsetzt sind gegeänander spiile, so wie d Spiiler zwei, drü usw. D'Doppel werdet jewyls nach dä ustreite Einzeln gsetzt. D Setztnummer vo dä beide mitänander spiilendä Spiiler werdät mitänander addiert und ergäbid so än neuy Setztnummer, welly au Setztsumme gnannt wird. Im Doppel muss die niidristi Setztsumme uf's Doppel eis gsetzt werdä, au hier gilt, wenn zwei Doppel die glich Setztsumme händ, so cha der Kaptän vom Team entscheidä, wer vor bzw. hinder äm andere Doppel spiilt.

Uf- und AbstiigBearbeite

Vo dä 2 Liga bis NLB werdit die Agmeldetä Teams i 4er Gruppä iteilt. Woby jeweils die erste bädä id Ustiegsspeil chömmid, so wie dä Dritt und dä Viert id Abstiegspiel. I dä d3 Liga stygt jeweils dä Gruppäersti id 2 Liga uf. Än Abstig us dä 3 Liga isch nid möglich. I dä NLA, dä höchste Spielklss, steit nach jedere Saison die am schlächtisti Rangierty Mannschaft ab.Än Ufstieg isch i dä NLA nümmä möglich.

Chronick vo de NLA GwünnerBearbeite

Jahr Gwinner
1911 Genève LTC
1912 Genève LTC
1913 Zürich L.T.C
1914 Savoy LTC
1915 Usgfalle wägen em 1. Weltkrieg
1916 Lausanne-Sports
1917 Lausanne-Sports
1918 Lausanne-Sports
1919 Lausanne-Sports
1920 Grasshopper ZH
1921 Lausanne-Sports
1922 Lausanne-Sports
1923 Lausanne-Sports
1924 Genève LTC
1925 Genève LTC
1926 Genève LTC
1927 Genève LTC
1928 Genève LTC
1929 Genève LTC
1930 Genève LTC
1931 Bern L.T.C
1932 Genève LTC
1933 Genève LTC
1934 Genève LTC
1935 Genève LTC
1936 Neuchâtel L.T.C
1937 Neuchâtel L.T.C
1938 Grasshopper ZH
1939 Genève LTC
1940 Montreux
1941 Genève LTC
1942 Montreux
1943 Grasshopper ZH
1944 Grasshopper ZH
1945 Grasshopper ZH
1946 Grasshopper ZH
1947 Grasshopper ZH
1948 Basler LTC
1949 Grasshopper ZH
1950 Basler LTC
1951 Grasshopper ZH
1952 Grasshopper ZH
1953 Grasshopper ZH
1954 Grasshopper ZH
1955 Grasshopper ZH
1956 Grasshopper ZH
1957 Basler LTC
1958 Genève E.V.
1959 Basler LTC
1960 Basler LTC
1961 Basler LTC
1962 Genève E.V.
1963 Basler LTC
1964 Dählhölzli BE
1965 Lausanne-Sports
1966 Grasshopper ZH
1967 Lausanne-Sports
1968 Lausanne-Sports
1969 Grasshopper ZH
1970 Grasshopper ZH
1971 Dählhölzli BE
1972 Chur
1973 Fairplay ZH
1974 Lausanne-Sports
1975 Fairplay ZH
1976 Belvoir ZH
1977 Grasshopper ZH
1978 Fairplay ZH
1979 Fairplay ZH
1980 Lausanne-Sports
1981 Dählhölzli BE
1982 Basler LTC
1983 Fairplay ZH
1984 Fairplay ZH
1985 Fairplay ZH
1986 Dählhölzli BE
1987 Dählhölzli BE
1988 Basler LTC
1989 Grasshopper ZH
1990 Grasshopper ZH
1991 Basler LTC
1992 Genève E.V.
1993 Old Boys BS
1994 Grasshopper ZH
1995 Grasshopper ZH
1996 Old Boys BS
1997 Grasshopper ZH
1998 Grasshopper ZH
1999 Grasshopper ZH
2000 Luzern Lido
2001 Luzern Lido
2002 Grasshopper ZH
2003 Grasshopper ZH
2004 Grasshopper ZH
2005 Grasshopper ZH
2006 Grasshopper ZH
2007 CT Neuchâtel
2008 Ried Wollerau
2009 Ried Wollerau
2010 Herre: Ried Wollerau
Dame: Chiasso
2011 Herre: Centre Sportif de Cologny
Dame: Grasshopper ZH
2012 Herre: Ried Wollerau
Dame: Grasshopper ZH
2013 Herre: Centre Sportif de Cologny
Dame: TC Mail NE

WeblinkBearbeite

QuelleBearbeite

  • 100 Jahre Interclub Bröschühre
  • Offiziells Schwizer Interclub Reglement