Isar

T Isar isch e Fluss vo Öschtrych und Tüütschland.

d Isar im Hinterautal

Si isch e Näbefluss vo dr Donau und 292 Kilometer läng. Si foot i den Alpen im Tirol mit verschidene Bärgbech us em Karwändelgebirg aa, wo dr Lafatscher Bach, er wird as Oberlauf vo dr Isar aagluegt, syni Kwelle i dr Gmeind Absam het. Dr Fluss goot scho nach 22 Kilometer uf Tüütschland abe. Do flüsst er im Vorland vo den Alpe dur d Stedt Bad Tölz, Geretsried, Münche, Freising, Landshut, Dingolfing, Landau und Plattling. I dr Nööchi vo Deggendorf mündet si id Donau. Dr gröscht Deil vo irem Yzugsgebiet, wo fasch nüüntuusig Kwadratkilometer gross isch, lyt z Bayern.

T Isar het es paar gröösseri Näbeflüss: d Amper, d Loisach, d Leutacher Ache, d Moosach, d Walche und d Sempt, und no es paar chlyneri Zuefluss.

Am ganze Flusslauf sind mee weder vierzg Staumuuren und Chraftwäärch.

Literatur

• Stadt Dingolfing (Hrsg.): Die Isar. Landschaft, Stadt, Kultur. Ausstellungskatalog, Dingolfing 2005
• Christian Magerl, Detlev Rabe (Hrsg.): Die Isar. Wildfluss in der Kulturlandschaft. Kiebitz Buch, Vilsbiburg 1999, ISBN 3-9804048-5-4.

Weblink

 Commons: Isar – Sammlig vo Multimediadateie

• d Homepage vom Isartalveräin