Israelisch antisemitischi Karikature-Wettbewärb

Dr Israelisch antisemitischi Karikature-Wettbewärb (hebr. תחרות קריקטורות אנטישמיות ישראלית) isch vo zwei israelische Künschtler als Antwort ufe Holocaust-Karikature-Wettbewärb vo der iranische Zitig Hamshahri veraschtaltet worde, wo sinersits en Antwort uf dänischi Mohammed-Karikature gsi isch.

Dr Karikaturischt Amitai Sandy hed dr Wettbewärb uf dr Website vo sim Grafikbüro z'Tel Aviv am 14. Februar 2006 aakündigt: „We'll show the world we can do the best, sharpest, most offensive Jew hating cartoons ever published! No Iranian will beat us on our home turf!“ („Mir wärde dr Wält zeige, dass mir di beschde, giftigschte, niderträchdigschde judefeindleche Karikature, wod Wäut je gseh het, zeichne chönne! Ke Iraner wird üs i däm Heimschbiu chönne schloo!“)

D'Zitig Jerusalem Post hed brichdet, dr Sandy hegi welle uf humorvolli Wiis Bigotterie usefordere. Noch dr Zitig Haaretz isch dr Sandy innert drü Täg nach Aakündigung vom Wettbewärb vo meh aus drissig Tageszitige, zwo Färnsekanäl und emne US-amerikanischä Radioprogramm, wo über 450 lokali Schdazione hed, interviut worde.

Am 6. Apriu isch dr Gwünner vom Wettbewärb uf dr Website vom Wettbewärb bekanntgmacht worde: Fiddler on the Roof vom Aron Katz us Los Angeles, Kalifornie. D'Karikatur hed di bekannti Figur vom Fidler ufem Dach vom Musical Anatevka dargschdeut, winer uf dr Brooklyn Bridge sizt während de Terroraaschläg fom 11. Septämber.

I de zuegschickde Karikature si bekannti antisemitischi Stereotype wi Wäutherrschafd, dr Mythos, Jude hegä Hörner u Ritualmordlegände sowi dr Holocaust u Holocaustlügnig behandlet wordä.

Lueg au

• Mohamed Karrikature-Wettbewerb
• Holocaust-Karikature-Wettbewerb

Extärni Links

• TA artist takes on Iranian cartoons (Site cha nüme abgrüeft wärde; Suche im Webarchiv)[1] [2] Vorlage:Toter Link/fr.jpost.com. In: Jerusalem Post, 16. Februar 2006
• Israeli starts ‘anti-Semitic cartoon contest’. In dr pakistanische Daily Times, 17. Februar 2006
• Biiträg zum Wettbewärb

Dä Artikel basiert uff ere fräie Übersetzig vum Artikel „Israelischer_antisemitischer_Karikaturen-Wettbewerb“ vu de dütsche Wikipedia. E Liste vu de Autore un Versione isch do z finde.