Israelitische Cultusgemeinde Zürich
Die Israelitisch Cultusgmäind Züri, abgchürzt ICZ, isch e jüüdischi Gmäind z Züri.
Es isch die grööschti jüüdischi Gmäind i dr Schwiiz. Si isch ane 1862 gründet woorde.
Iri Synagooge isch im Quartier City a dr Löwestrooss, ires Gmäindszäntrum im Quartier Ängi a dr Lavaterstrooss. D Lüüt vo dr Gmäind bruuche die beide Fridhööf Undere Friesebäärg und Obere Friesebäärg.
D Biblioteek vo de ICZ, wo 1920 agfange het, isch eini vo de bedüütendschte Samlige vo jüdische Schrifte z Europa. Dr Verein für jüdische Kultur und Wissenschaft mit em Charles Lewinsky hilft dr Biblioteek.
D Sprooch- und Kulturforscherin Florence Guggenheim-Grünberg het die Dokumäntazioon, wo si bi irne Arbete zämetreit gha het, de ICZ als «Florence Guggenheim-Archiv zur Gschicht, Spraach und Volchskund vo de Juden i de Schwyz und zur Genealogy vo de Suurbtaalerjude» übergää. Wo die wärtvolli Samlig uufgschaffet gsi isch, isch si ane 2013 is Staatsarchiv Aargau cho.
Literatur ändere
- Alfred Bodenheimer (Hrsg.): «Nicht irgendein anonymer Verein …» Eine Geschichte der Israelitischen Cultusgemeinde Zürich. NZZ Libro, Zürich 2012, ISBN 978-3-03823-759-4.
- Yvonne Domhardt, Kerstin A. Paul: Quelle lebender Bücher. 75 Jahre Bibliothek der Israelitischen Cultusgemeinde Zürich. Biel 2014. ISBN 978-3-905297-58-4
Weblink ändere
Commons: Israelitische Cultusgemeinde Zürich – Sammlig vo Multimediadateie