Jean-Christophe Meyer

Dr Jean-Christophe Meyer (* 1978 z Bleschwiller) isch e franzeesische Schurnalischt un Schriftsteller.

Lääbe

Är stammt us ere Familie vu Räbbuure us em elsässische Dorf Bleschwiller un isch dert au ufgwachse mit Elsässisch as Muetersprooch.

No dr Schuel het er z Stroßburi Bolitikwisseschafte studiert, ai Johr au an dr Friedrich-Alexander-Universität z Nürnberg. Derno het er z Stroßburi d Schurnalischteschuel absolviert. Syter anne 2002 schafft as Schurnalischt bi dr Dageszytig „L’Alsace“ z Saint-Louis. Im Wächsel mit andere Redakteer duet fir d Samschtigsuusgaab vu dr Zytig en Artikel uf Elsässisch schrybe.

Näbe syre Arbet schrybt er Gedicht, vor allem uf Franzeesisch, aber au uf Elsässisch. Sy eerscht Buech „Sagittales“ mit Gedicht uf Franzeesisch isch anne 2004 uusechuu, 2011 e zweete Gedichtband unter em Titel „Garde ton souffle pour le chant de la gratitude“. Anne 2015 het er mit „Lìechtùnge/Clairières” en zwoosproochige Gedichtband uf Elsässisch un Franzeeeisch uusegee.

Zäme mit em Louis Perin het er 2012 e Anthology mit Täxt vu Dichter vu hääne un dääne vum Rhyy uusegee.

Är isch Schriftfierer vum Verain AGATE, wu si fir s Elässisch un d Kultur im Elsass yysetze duet.

Dernäbe duet er si au mit dr Gschicht vu sym Haimetdorf bscheftige. Anne 2010 het er zäme mit andere Blieschwillemer en Dichterwääg grindet.

Am 27. Meerz 2014 het er d Stéphanie Eckentschwiller ghyroote, wu e Zytlang Bresidänti vum Verain Alsace – Junge fers Elsassische gsii isch. Si hän zäme zwai Chinder un lääbe z Rosenöi.

Anne 2024 het er bim Wettbewärb Lohrer Murre mit em Gedicht „Die Zitt verschankt“ en zweete Bryys in dr Sparte Lyrik gwunne.

Schrifte

aigeni Wäärch

• Sagittales, éditions Bf, Strasbourg 2004.
• Garde ton souffle pour le chant de la gratitude, éditions du Sablier, Québec, 2011.
• Lìechtùnge/Clairières, éditions Le Tourneciel, La Vancelle, 2015.
• Les aigrettes des cirses dans le jour qui naît, éditions Le Tourneciel, La Vancelle, 2016.
• Loem/Buée, éditions Le Tourneciel, La Vancelle 2020.

Bild- un Gedichtband

• Dans la paume d'une feuille d'érable, éditions Le Tourneciel, La Vancelle, 2017. Mit Albert Strickler (Dichtung) und Delphine Gutron (Bilder).
• Hìmmelsgàrte/Jardins célestes, éditions Lire Objet, Strasbourg, 2020. Mit Sylvie Lander (Bilder), Daniel Boch, Gérard Leser, Albert Strickler (Dichtung).

Ibersetzige

• Im Kreuzfeuer zweier Kulturen, eine zweisprachige Anthologie von Paul-Georges Koch, Jérôme Do Bentzinger, Colmar, 2008.

Anthologie

• Rheinkiesel/Galets du Rhin, Anthologie von Dichtern und Schriftstellern des Oberrheins, Leitung Jean-Christophe Meyer und Louis Perin, éditions du Lys, Saint-Louis 2012.
• Par tous les chemins, Florilège poétique des langues de France, Leitung Marie-Jeanne Verny et Norbert Paganelli, Le bord de l'eau, Lormont 2019.

Uuszaichnige

• Prix de l’édition, festival l’Image et le Verbe, Molsheim 2004
• Friehjohrsschwalmeme 2011
• Lohrer Murre 2024: 2. Bryys Lyrik

Weblink

• dr Jean-Christophe Meyer uf dreylanddichterweg.eu
• Gelebte Tradition: Diese Familie setzt sich für die elsässiche Mundart ein (Badische Zeitung, 23. Novämber 2019)