Loorer Murre

D Loorer Murre (dt. Lahrer Mundart-Literaturpreis „Lahrer Murre“) isch e Wettbewärb fir alemannischi Dialäktautore*ne, wu syter anne 2013 all Johr z Loor uusgschribe wird.

Wettbewäärb ändere

d Ulrike Derndinger un dr Heinz Siebold bi dr Bryysverleiig vu dr Loorer Murre 2020

D Idee fir dää Mundartwettbewärb isch urspringli vum Loorer Dialäktdichter un friejerer Oberburgermaischter Philipp Brucker chuu. Dr erscht Wettbewärb isch anne 2013 vum Lahr-Verlag zäme mit dr Stadt Loor un dr Muettersproch-Gsellschaft uusglobt wore. Aafangs isch nonig sicher gsii, eb s dä Wettbewärb nume aimol het solle gee oder meefach, eb all Johr oder all zwai Johr. Wel dr Tom Jacob vum Lahr-Verlag, wu dä Wettbewärb 2013 initiiert ghaa het, d Murre nimi het welle organisiere, wird si syter anne 2015 vu dr Loorer Mediathek zäme mit dr Muettersproch-Gsellschaft uusgrichtet.

Dr Bryys isch no dr Murre gnännt, e Bachwar us Häfedaig, wu z Loor friejer an Feschdäg gängig gsii isch, wu s hite aber nume no in wenig Café un Becke git. Si siit uus „wie e vorgschobini Unterlipp’, iwer der e z’ruckzogine Oberlipp leit“, wie s dr Jonny Stapf bi dr Verleihig 2015 uusdruckt het.^[1]

D Jury vum Bryys bstoht us Verdrätter*ne us dr Kultur, dr Bolitik, dr Medie un em Buechhandel. 2013 sin des d Juliana Bauer, d Ulrike Derndinger, dr Ludwig Hillenbrand, dr Stefan Pflaum un d Christel Seidensticker gsii, 2014 dr Ludwig Hillenbrand un dr Stefan Pflaum un syt 2015 bilde dr Ludwig Hillenbrand, dr Stefan Pflaum un d Ulrike Derndinger all Johr d Jury.

Dr Bryys wird vergee in dr Sparte Prosa un Lyrik, yygee cha mer Byydreeg, wu nonig publiziert sin. Mit em Bryys verbunde isch e Bryysgäld vu 300 € fir dr erscht Blatz un 200 € fir dr zweet Blatz. Alli Nominierte cheme au helzerni Murre iber, wu vun eme Holzschnitzer us em Erzgebirg entworfe wore sin, un e ächti Murre zum Ässe.

Vergee wird dr Bryys bin ere effetlige Veraastaltig z Loor am zweete Mentig im Oktober, d Bryysdreeger*ne lääse dert ihri Siigerbyydreeg vor un dien zum Dail au no us andere Wärch vorlääse. Moderiert wird d Bryysverleiig als vum Heinz Siebold.

Syter 2016 wäre d d Bryysdreeger*ne als vum Schwarzwaldverain vum Loorer Stadtdail Richebach nomol yyglade iri Täxt bi re Veraastaltig in dr Richebacher Hammerschmitti im Summer no dr Verleiig vorzlääse.

Siiger*ne ändere

d Bryysdreeger*ne «Lohrer Murre» 2019 un 2020 z Richebach (10. Juli 2021): vorderi Raie v. l.: Catharina Müller, Brigitte Neidig, Roland Burkhart, Willi Keller; hinteri Raie v. l. Kathrin Ruesch, Daniel Gutmann, Beate Reiner, Jürgen Sutter

d Bryysdreeger*ne vu dr «Lohrer Murre» 2020, v. l.: Jürgen Sutter, Daniel Gutmann, Beate Reiner, Gottfried Schweickhardt, Catharina Müller, Kathrin Ruesch

d Bryysdreeger*ne vu dr «Lohrer Murre» 2022: vorderi Raie v. l.: Jürgen Sutter, Jörg Bertsch, Kathrin Ruesch, Stefan Böhm; hinte in dr Mitti dr Erscht Burgermaischter Guido Schöneboom

2013 ändere

Yygee wore sin 40 Byydreeg, d Verleihig isch am 21. Novämber gsii.

Prosa: 1. Blatz Margot Müller, 2. Blatz Heidi Zöllner
Lyrik: kai erschte Bryys, 2. Blatz Simone Schneider

2014 ändere

Yygee wore sin rund 30 Byydreeg, d Verleihig isch am 13. Oktober gsii.

Prosa: 1. Blatz Nicole Keilbach-Schmittel un Wendelinus Wurth
Lyrik: 1. Blatz Mariele Loy, 2. Blatz Inge Tenz

2015 ändere

Yygee wore sin 35 Byydreeg, d Verleihig isch am 2. Novämber gsii.

Prosa: 1. Blatz Carola Horstmann, 2. Blatz Hermann Billharz
Lyrik: 1. Blatz Helga Rüdiger, 2. Blatz Christa Heimann-Buß un Caroline Burkart

2016 ändere

Yygee wore sin rund 30 Byydreeg^[2], d Verleihig isch am 17. Oktober gsii.

Prosa: 1. Blatz Joseph Schmittbiel, 2. Blatz Anita Vogel, Willi Keller un Anette Zirlewagen-Burzlaff
Lyrik: 1. Blatz Kathrin Ruesch, 2. Blatz Michael Köhler

2017 ändere

Yygee wore sin 21 Byydreeg.^[3] Bi dr fimfte Uusgab isch zum erschte Mol e Sonderbryys vergee wore, an dr elfjehrig Moritz Müller.

Prosa: 1. Blatz Simone Schneider, 2. Blatz Wendelinus Wurth
Lyrik: 1. Blatz Beate Reiner, 2. Blatz Anita Vogel
Sonderbryys: Moritz Müller

2018 ändere

Yygee wore sin rund zwai Dutzed Byydreeg^[4], d Verleihig isch am 8. Oktober gsii.

Prosa: 1. Blatz Willi Keller, 2. Blatz Adelheid Ockenfuß
Lyrik: 1. Blatz Kathrin Ruesch, 2. Blatz Daniel Gutmann

2019 ändere

Yygee wore sin 16 Byydreeg^[5], 6 in dr Sparte Prosa, 10 in Lyrik. D Verleihig isch am 14. Oktober gsii. An Werner Weber isch e Sonderbryys vergee woore.