Heinz Siebold
Dr Heinz Siebold (* 1950 z Änkestai) isch e dytsche Schurnalischt un Autor.
Lääbe
ändereDr Siebold isch z Änkestai im Chlaine Wiidedaal ufgwagse. No dr Schuel het er zeerscht Jura aafange studiere un isch derno an di Pedagogisch Hochschuel gwägslet un het uf Lehramt an Realschuele studiert. Wel er dodmol Mitglid im Marxistische Studäntebund Spartakus gsii isch, het er noch em Radikaleerloss nit as Lehrer chenne schaffe, wäge däm isch er no Schurnalischt wore. Är schrybt fir di Badisch Zytig un as freie Schurnalischt au fir anderi Zytige, vor allem zue dr Wirtschafts- un Sozialbolitik.
Är het iber d Johr bi vyl Projäkt zue dr Wurzle vu dr dytsche Demokraty mitgmacht, unter anderem isch er Mitautor vum Buech „Der Münstergeneral – Menschen und Ereignisse – Freiburg in der Badischen Revolution 1848/49“, erschine im Loorer Verlag Moritz Schauenburg. Derzue isch er Sprächer vu dr „Initiative zur Erinnerung an die Badische Revolution“, wu all Johr am 31. Juli Mahnveraastaltige macht am Ort, wu d Freihaitskämpfer Maximilian Dortu, Friedrich Neff un Gebhard Kromer hiigriichtet wore sin.
Dr Siebold dritt au as Sänger un Musiker uf, spiilt gitarre un singt unter anderem Lieder uf Alemannisch. Syt e baar Johr dritt er als zämme mit dr Dichteri Ulrike Derndinger un duet iri Gedicht mit dr Gitarre beglaitee. Di baide hän mittlerwyli ghyrote un läbe mitenander z Lohr.
Schrifte (Uuswahl)
ändere- zäme mit em Dirk Schindelbeck: Eine Bank wie keine andere. 140 Jahre Volksbank Freiburg. Ein historisches Lesebuch. Promo-Verlag, Freiburg i. Br. 2007. 168 S.: zahlr. Ill., graph. Darst. ISBN 978-3-923288-51-9
- zäme mit dr Ulrike Rödling: Der Münstergeneral: Menschen und Ereignisse. Freiburg in der Badischen Revolution 1848/49. Schauenburg, Lahr 1998. 208 S.: Ill., Kt. ISBN 3-7946-0505-5
- Heckers Schattenmann. Sternwald-Verlag, Freiburg i. Br. 1998. 127 S.: Ill., Kt. ISBN 3-9804390-9-7
Weblink
ändere- dr Heinz Siebold bi dr Badische Zytig
- dr Heinz Siebold uf LEO-BW
- Verschlungene Lebenswege uf Baden-Online