Jörg Bertsch

Dr Jörg Bertsch (* 1949) isch e dytsch-schwyzerische Schurnalischt un Jurischt.

dr Jörg Berttsch (2. v. l.) bi dr «Lohrer Murre» 2022

Lääbe

Dr Bertsch isch z Staine ufgwagse. No dr Schuel het er an dr Uniwersitete Fryburg un Gämf studiert. Derno het er 16 Johr lang as Jurischt in ere Aawaltspraxis gschafft, isch aber schließlig in Schurnalismus gange un het iber 22 Johr lang, 1992 bis 2014, as Redakter bi dr Oberbadische Zytig gschafft. Dernäbe het er syt 2005 e Biro fir Textdesign & Ghostwriting un schafft syt 2012 au as sälbschtständige Druurredner bi Lychte.

Dr Bertsch läbt syt 1995 z Basel un het mittlerwyli au d Schwyzer Staatsburgerschaft.

Anne 2022 het er mit dr Gschicht „D Gotti Emm“ en erschte Brys bi dr Lohrer Murre in dr Kategory Prosa gwunne. Scho 1997 isch er Mitglid in dr Jury vum Dialäktwettbewärb Jungi Mundart vu dr Muettersproch-Gsellschaft gsii.

Weblink

• Der Trauerredner, Websyte vum Jörg Bertsch
• Der Textdesigner, Websyte vum Jörg Bertsch
• Jörg Bertsch: Das Leben leben – so lustvoll wie möglich, so schmerzhaft wie nötig uf deinadieu.ch, 15. Septämber 2017
• Bernhard Konrad: „Man sieht sich im Spiegel“, Interview mit em Jörg Bertsch, Oberbadische, 16. Jänner 2022