Dr Willi Keller (* 1952 z Petersdal) isch e dytsche Schurnalischt un Autor. Mer chännt en in dr Region vor allem as Sage-Sammler.

dr Willi Keller (ganz rächts) bi dr Läsig vu dr Lohrer Murre 2021

Lääbe ändere

Dr Keller isch z Petersdal uf d Wält chuu un z Ibach-Löcherberg bi Oppenau ufgwagse. No dr Volksschuel z Löcherberg het er Schuel het er im Internat vu dr Haimschuel Lender z Sasbach 1971 s Abitur gmacht. Är het dernoi z Heidelberg un z Fryburg Bolitik, Gschicht un Germanischtik uf Lehramt studiert. .uf Lehramt studiert. Wel er kai Stell as Referendar kriegt het, het er e Volontariat bim SWF im Heerfunk un Färnsee aagfange. Är het derno bis zue syre Ränte as Nochrichteredakteer bim SWF gschafft. Hit läbt dr Keller bi Offeburg.

Wu dr Oppenauer Apetheker Rainer Fettig Aafangs 1980er Johr fir dr Historisch Verain Oppenau e Vordrag iber lokali Sage het solle halte, het där dr Keller gfrogt, eb är d Sage chennt lääse. Dodermit het em Keller sy Inträssi an Sage us dr Region aagfange, iber d Johr het er e großi Sammlig mit iber 1000 Sage ufböue. Är het in alte Sagebiecher un Ortschronike noogläse, het in Archiv un Bibliotheke recherchiert, het mit Yyhaimische gschwätzt, un d Johrgäng 1907 bis 1969 vu dr Renchtal-Zytig duregluegt. Anne 1985 het er sy erscht Sage-Buech publiziert, d „Sagen des Renchtals“. Insgsamt het er bis 2015 siibe Biecher mit Sage us dr Region uusegee, d Sage dodin het nit in dr Orginalsproch publiziert, nai, är het si in di hitig Sproch un Schrybwys iberdrait.

Mittlerwyli het er aagfange Krimi („Schwarzwaldkrimi“) schrybe, sy erscht Krimi „Irrglaube“ isch 2018 uusechuu, dr zweet, „Tannenruh“, 2020.

Dernäbe schrybt er au Gschichte un Gedicht uf Alemannisch. Anne 2016 het er bim Díaläktwettbewärb Lohrer Murre zäme mit dr Anita Vogel un dr Anette Zirlewagen-Burzlaff uf dr zweet Blatz in dr Kategory Prosa chuu.[1][2] 2018 het er bim nämlige Wettbewärb mit dr Gschicht De Loimebuckel dr erscht Bryys in dr Kategory Prosa gwunne[3] un 2019 dr erscht Bryys in dr Kategory Lyrik mit em Gedicht Raimlosi Zidde.[4][5] 2021 het er mit em Gedicht „Noch de Mahd“ wider dr erscht Bryys in dr Kategory Lyrik gwunne[6] un 2023 au wider dr erscht Bryys in dr Kategory Lyrik fir s Gedicht „IIGWEGGDES“.[7]

D Willi Keller isch syt vyl Johr Mitglid vu dr SPD. Är isch vu 1987 bis 2012 Vorsitzer vum SPD-Ortsverain Oppenau/Bad Petersdal-Griesbach gsii, vu 1980 bis 1991 un vu 1999 bis 2009 Mitglid im Gmairot vu Oppenau un ab 1989 Mitglid vum Kraisdag.

Schrifte ändere

  • Sagen des Renchtals. Grimmelshausen-Buchhandlung und Verlag, Oberkirch 1985
  • Im Schatten der Burgen. Ritter- und Burgensagen aus Mittelbaden. Grimmelshausen-Buchhandlung und Verlag, Oberkirch 1988
  • Sagen des Kinzigtals. Von Loßburg bis Kehl - ein Fluß erzählt Geschichten. Grimmelshausen-Buchhandlung und Verlag, Oberkirch 1994
  • Die graue Frau. Sagen aus Baden-Baden und Umgebung. Grimmelshausen-Buchhandlung und Verlag, Oberkirch 1999
  • Der geheimnisvolle Mummelsee. Das dunkle Auge des Schwarzwaldes. Geschichte - Bilder – Sagen. Mit Illustrationen von Tomi Ungerer. Baden-Verlag, Gutach 2000
  • Sagen aus dem Ortenaukreis. Sutton Verlag GmbH, Erfurt 2015
  • Sagen an Murg, Oos und Rhein. Grafensprung, Teufelsmühle, Wolfsschlucht. Sutton Verlag GmbH, Erfurt 2015
  • Irrglaube. Schwarzwaldkrimi. Gmeiner-Verlag GmbH, Meßkirch 2018
  • Tannenruh. Schwarzwaldkrimi. Gmeiner-Verlag GmbH, Meßkirch 2020

Weblink ändere

Fueßnote ändere

  1. Preisträger der »Lahrer Murre« 2016 ausgezeichnet, Baden Online, 18. Oktober 2016
  2. Über die Ortenau hinaus geschätzt, Badische Zeitung, 19. Oktober 2016
  3. Luftlinie mit Buggelwind, Badische Zeitung, 10. Oktober 2018
  4. Willi Keller gewinnt mit „Raimlosi Zidde“ bereits zum dritten Mal, Lahrer Zeitung, 15. Oktober 2019
  5. Die Mundartjury hatte es nicht leicht, Badische Zeitung, 16. Oktober 2019
  6. Lahrer Mundartpreis geht an fünf ernste Texte, Badische Zeitung, 13. Oktober 2021
  7. Juliana Eiland-Jung: Murre benötigt mehr Werbung, Badische Zeitung, 2. Novämber 2023