Adelheid Ockenfuß

D Adelheid Ockenfuß (* z Allmeschwiihr as Adelheid Leser) isch e dytschi Dialäktautori.

Lääbe

D Adelheid Leser isch as zeet Chind in ere Buurefamilie uf d Wält chuu, ire Vater Wilhelm Leser isch dodmol scho 57 Johr alt gsii, iri Mueter Lina 43. Iri Chindhait isch bregt gsii isch dur lieblosi Eltere un dr Missbruuch dur e Verwandte. Mit 19 Johr het si ghyrote un het eso chenne s Elterehuus verloo. 27 Johr lang het si as Birochraft bi re Firma z Friesene gschafft. Si wohnt mit irem Mann Dieter Ockenfuß im Lohremer Stadtdail Burge.

Aagregt dur dr Lohrer Oberburgermaischter un Dialäktautor Philipp Brucker het si mit em Schrybe aagfange. Si het iri schwär Chindhait in ere Autobiografy ufgschafft, wu si nit vereffetligt het, derzue schrybt si unter anderem Gschichte uf Alemannisch. Anne 2018 het si bim Wettbewärb Lohrer Murre mit dr Gschicht „Dr Schutzängl“ dr zweet Bryys in dr Kategory Prosa gwunne un 2023 bim nämlige Wettbewärb mit dr Gschicht „Ledschder Briäf“ dr eerscht Bryys in dr Kategory Prosa.

Wärch

• Dr Schutzängl. In: Alemannisch dunkt üs guet, 2/2018, S. 72–73
• Mit Adelheid Ockenfuß im Dialekt „eimol um Lohr rum“, Lahrer Zeitung, 22. April 2021

Literatur

• Heinz Siebold: Vo Buggelwind un Loimebuckel. In: Alemannisch dunkt üs guet, 2/2018, S. 68–69

Weblink

• Ulrike Derndinger: Rückblick ohne Verklärung, Badische Zeitung, 9. Februar 2010
• Endrik Baublies: Hefegebäck, Lahrer Zeitung, 9. Oktober 2018
• Jörg Braun: Lahr Entdeckungen vor der Haustüre, Lahrer Zeitung, 22. April 2021
• Juliana Eiland-Jung: Murre benötigt mehr Werbung, Badische Zeitung, 2. Novämber 2023