Stefan Böhm
Dr Stefan Böhm (* 27. Septämber 1952 z Waldkirch) isch e dytsche Lehrer un Kommunalbolitiker.
Lääbe ändere
Dr Böhm isch im Fryburger Stadtdail Littewyler ufgwagse.
Noch em Studium het er zerscht nit as Lehrer chenne Schaffe, wel er Kommunischt gsii isch. Är het e Zytlang as Hilfsarbaiter bim Burda z Offeburg gschafft, wun er aber au wäge syne komunischtische Aktiwitete wider entloo woren isch. Är het Wärchzygmacher glehrt un au in däm Beruef gschafft. Speter het er as Arbetserziejer im Epilepsyzäntrum Korik gschafft un schließlig as Sonderschuellehrer an dr Waldbachschuel z Offeburg gschafft. Anne 2017 isch er pänsioniert wore.
Aafangs 1980er Johr het er z Offeburg e Solidaritetskumitee fir di polnisch Gwärkschaft Solidarność mitgrindet. Är het im AK Fride mitgmacht un isch schließli bi dr Griene aktiv wore. Z Offeburg isch er vu 1986 bis 1989 fir di Griene Mitglid im Gmairoot gsii un wieder vu 1999 bis 2021.
Dr Böhm schrybt Lieder, wun er zue dr Gitarre singt, mänkmol mit aigene Melodie, mänkmol as Coverversione vu andere Lieder. Anne 2022 het er mit eme neie Täxt uf This land is your land vum Woody Guthrie dr zweet Bryys in dr Kategory Lyrik bi dr Lohrer Murre gwunne.[1]
Dr Böhm isch ghyrote un het zwai Sihn. Syter anne 1976 läbt er z Offeburg.
Weblink ändere
- Porträt vum Stefan Böhm uf dr Websyte vu dr Griene Offeburg
- Silke Keil: Offenburger Grünen-Pionier Stefan Böhm feiert 70. Geburtstag. Baden Online, 26. Septämber 2022
Fueßnote ändere
- ↑ Die alemannische Mundart lebt, Schwarzwälder Bote, 13. Oktober 2022