De Jürgen Sutter (* 6. November 1970 z Friiburg im Briisgau) isch en Biolog und en alemannische Autor.

Läbe ändere

De Jürgen Sutter isch as Buurebueb z Opfige, hüt eme Schtadtteil vo Friiburg, ufgwachse. Er hät a de Uni z Friiburg Biologie schtudiert un dodernoch z Heidelbärg un z Schtuegert gschaffet. Vo 2004 bis 2010 isch er wüsseschaftliche Mitarbeiter a de ETH z Züri gsi. Hüt schaffet er z Darmstadt in dr Umwältforschig.

Im Johr 2008 isch im Schillinger-Verlag z Friiburg s Opfinger Werterbuech usechoo, wo er gschribe het.

2003 isch er bi dr erschte Uusgob vom Gerhard-Jung-Wettbewerb uf dr zwäit Platz in dr Sparte Prosa cho. Für siis «Opfinger Wörterbuch» het er 2007 dr Förderbriis vo dr Johann-Andreas-Schmeller-Gsellschaft[1] un 2009 dr bade-württebärgisch Landesbriis für Heimetforschig übercho.[2] 2022 het er bim Wettbewerb Lahrer Murre de eerscht Priis in dr Kategori Prosa gwunne,[3] 2020 de zwäit Priis in dr Kategori Prosa.[4]

Veröffentlichunge ändere

Weblink ändere

Noowiis ändere

  1. Johann-Andreas-Schmeller-Gesellschaft e. V.
  2. Jürgen Sutter erhält Landespreis für Heimatforschung
  3. Die alemannische Mundart lebt (Schwarzwälder Bote, 13. Oktober 2022)
  4. Sechs Autoren sind beim Lahrer Murre-Mundartwettbewerb ausgezeichnet worden, Badische Zeitung, 13. Oktober 2020