Heidi Zöllner

e dytschi Dialäktautoori

D Heidi Zöllner (* 1949 z Waldshuet) isch e dytschi Dialäktautoori.

LääbeBearbeite

D Zöllner isch z Murg un Zäll ufgwagse. Gschafft het si bis zue ire Ränte as Styyrfachwiirti. D Zöllner läbt scho lang z Huuse. Si isch ghyroote mit em Armin Zöllner un het zwee Siin.

Si schrybt Gschiichte un Gediicht uf Alemannisch un duet au regionali Saage, Faable un Määrli uf Alemannisch ibersetze. Derzue schrybt si mänkmol Theaterstuck im Dialäkt un Täxt fir d Schnitzelbank an dr Faasnet..

Anne 2013 het si bim Wettbewäärb Loorer Murre mit em Täxt „Unter em gliiche Sternehimmel“ dr 2. Bryys in dr Kategory Prosa gwunne. Im Joor 2014 isch si bim „Landschreiber Wettbewerb“ mit em Täxt „E Frog an d Muettersproch“ unter dr zwelf Blatzierte gsii, wu ire Bydraag uf dr Leipziger Buechmäss hän deerfe voorlääse. Bim Mundartliteraturwettbewäärb „Alemannisch läbt!“ vu dr Muettersproch-Gsellschaft un em SWR het si anne 2021 mit dr Gschicht „Di guete alti Zit“ dr dritt Bryys in dr Sparte Prosa gwunne.[1]

D Zöllner isch Mitglid bi dr Muettersproch-Gsellschaft un deert syt 2011 Gruppelaiteri vu dr Regionalgruppe Wiisedaal. Syt 2015 isch si Mitgliid im Vorstand vu dr Muettersproch-Gsellschaft as Bysitzeri un dert zueständig fir s Projäkt „Mundart in der Schule“.

Fir s Heebelhuus z Huuse duet si mit andere Fraue us dr Vorstandschaft Dialäkt-Oobe organisiere, wu Dialäktdichter*ne ire Schaffe chenne vorstelle. Si isch au Mitglid bi dr Drachtegruooe Zäll.

WeblinkBearbeite

FueßnoteBearbeite

  1. Wettbewerb „Alemannisch läbt“: Diese Texte wurden ausgezeichnet, Badische Zeitung, 4. Juni 2021