Johann Jodok Singisen
Dr Johann Jodok Singisen (* öppe 1557 z Melige im Aargau; † 2. Nofämber 1644 z Muri) isch en Apt vom Chlooschter Muri gsi.
Er isch dr Soon vom Meliger Schultheiss Rudolf Singisen gsi. Won er z Muri d Chlooschterschuel psuecht gha het, isch er grad i dere Aptei blibe und het 1574 d Profäss abgleit. Anne 1596 isch er zum Apt gwäält worde, und er het im Chlooschter druff gluegt, ass me wider meh de stränge Ordensregle gfolget het.
Zue Singisens Zyt isch en nöie Trakt as alte Chlooschter bout worde. Me seit em no hüt dr Singise-Flügel.
1602 isch dr Apt Singisen drby gsi, wo d Benediktinerchlööschter im ganze Land zäme die Schwiizerischi Benediktinerkongregazioon bildet händ.
Literatur
ändere- Anton Wohler: Singisen, Johann Jodok. In: Historisches Lexikon vo dr Schwiiz.