Julien Méline
| Dialäkt: Mìlhüüserisch |
Dr Julien Méline (; * 17. Àwril 1901 z’ Gerdsee, Vogesa-Département; † 12. Oktower 1943 z’ Épinal), àui dr Lucien Méline gnännt, ìsch a frànzeescher Garaschischt un Wìderschtàndskampfer gega dr Nàzionàlsoziàlischmus gsìì. Ànna 1943 ìsch’r verhàftet und verschossa worra.
si Laawa
ändereDr Julien Méline ìsch ànna 1901 z’ Gerdsee uf d’ Walt kumma. Ar hàt àwwer z’ Romberg glabt, ìm Oschta vum Vogesa-Département. Doo ìsch’r verhiirotet un Vàtter vu viar Kìnder gsìì. Àm Ààfàng vum Zwaita Waltkriag hàt’r àls Garaschischt z’ Romberg gschàfft.
Schun àm Ààfàng vu dr Wìderschtànd ìn da Vogesa hàt dr Méline a Nätzwark grìnda, fìr frànzeescha un àlliiarta Kriag-s-Gfanganer halfa, ìns Fräijagebiat (d’ „zone libre“) ussz’bracha. Fìr aifàch raisa hàt’r d’ zàhlricha Üsswiisa benutzt, wo-n-’r offiziell fìr si Berüaf bikumma hàt: ar hàt àlso bis zum Nancy un Pàris därfa fàhra, un hàt d’ Trännlinia därfa ìwerschrìtta bis zum Puy-de-Dôme un Lyon. Ìn àlla dara Orta hàt’r ìn dr Untergrund Bekànntschàfta gmocht.[1] Ar hàt àui salbscht Flìchtlinga z’ Romberg beharbargt[2] un dur d’ Trännlinia brocht. Ìhm han sina Fàmiliamìtglìeder ghulfa. Züadam hàt dr Méline üsskuntschàftet ìm Ufftrààg vu Wìderschtànd-Nätzwark, wo sìch z’ London nìedergloo ghàà han. Ar hàt àui àn Vernìchtung-s-Àkziona mìtgmocht: vum And vu Juni 1940 àà bis 1941 hàt’r mehrera Mol ditscha Üssrìchtunga vernìchtet; ànna 1942 hàt’r mìt sina Kàmrààda äbb 30 Làschtwaaga vu dr ditscha Wehrmàcht üsserdianscht gschtällt.[3]
Dr Méline hàt àn dr Grìndung vum ärschta Gschtrüpp vu da Vogesa mìtgmocht, fìr Fàhnaflìchtiga z’halfa. D’rfìr hàt’r verfälschta Beleeg brüücht, wo ìhm d’ Angèle Mougeot vu Saint-Étienne ìn dr Loire glìefert hàt. Dr Méline ìsch schpeeter ìm vogesischa Gschtrüpp dr Laiter gsìì vu dr zwaita Genossaschàft.[4] Ar ìsch Mìtglìed gsìì vu dr Wìderschtàndsorgànisàziona OCM („Zivila- un Militärorganisàzion“), un àb Janner 1943 vu dr Centurie-Nätzwark. Ar ìsch Laiter gsìì vu dr lokàla Àbtailung vu dr Centurie-Nätzwark z’ Romberg.
Àm 10. Juli 1943 sìn dr Méline un sina Ehafràui t’haim z’ Romberg vu dr ditscha Sìcherhaitspolizäi verhàftet worra. Dr Méline hàt ma ààklàgt mìt „Mìttäterschàft àn dr Fàhnaflucht vu ditscha Soldàta“. Àm gliicha Tààg sìn zwai àndra Manner vu Romberg, dr Baizer Roger Duffau un dr Iisabàhn-Ààgschtällter Henri Royer, üss’m gliicha Grund verhàftet worra. Àlla dräi sìn ìns Käfig „Prison de la Vierge“ vun Épinal brocht worra, wahrend àss d’ Fràui Méline fräigloo worra ìsch. Wahrend dräi Moneta ìsch dr Jules Méline meh àss hundert Mol verheert worra,[5] àwwer hàt nìt gsajt ìwwer sina Wìderschtànd-Nätzwarka. D’ dräi Manner sìn vu’ma ditscha Militärgrìcht zum Tod verurtailt worra. Àm 9. Septamber hàt d’ Generàla Delegàzion vu dr frànzeescha Regiarung ìn da bsätzta Gebiater (d’ DGTO) versüacht, d’ dräi Verurtailta z’ vertaidiga. Trotzdam sìn sa àm 12. Oktoower 1943 z’ Épinal vu’ma ditscha Àbschiasskomàndo verschossa worra.
ìhm z’ ehra
ändereDr Kumadànt Delafenêtre hàt dr Julien Méline bschrìewa àls a „groossàrtiger Mànn, mìt üsserordentliga moràlischa Kwàliteta un brännender Vàterlàndsliawa“.[4]
Z’ Romberg ìsch a braita Schtrooss noh-n-em Julien Méline bnännt (d’ Avenue Julien-Méline).
Literàtür
ändere- Pierre Heili: Julien Méline. In: Dictionnaire des Vosgiens célèbres. (französisch, ecrivosges.com [abgerufen am 9. Juli 2021]).
- Frédéric Stévenot: Méline Lucien, Julien. In: Le Maitron: Dictionnaire biographique des fusillés et exécutés par condamnation et comme otages et guillotinés en France pendant l'Occupation. (französisch, maitron.fr [abgerufen am 9. Juli 2021]).
- Hugo Girardot: Itinéraire d’un héros de la résistance : Julien Méline, mort fusillé pour la France il y a 75 ans. In: Vosges Matin. 12. Oktober 2018 (französisch, vosgesmatin.fr [abgerufen am 9. Juli 2021]).
- Association de recherches archéologiques et d'histoire d'Éloyes et de ses environs (Hrsg.): La Seconde guerre mondiale dans le secteur d'Eloyes. 2002, ISBN 978-2-9513453-1-7, S. 336 (französisch, google.fr).
Ainzelnohwiisa
ändere- ↑ Hugo Girardot: Gérard Méline raconte comment Julien Méline, résistant durant la Seconde Guerre mondiale, passait la ligne de démarcation. In: Vosges Matin. 11. Oktober 2018, abgruefen am 9. Juli 2021 (französisch).
- ↑ Guerres mondiales et conflits contemporains. Band 14-15. Presses universitaires de France, 1964, ISSN 0984-2292, OCLC 15702247, S. 82 (französisch, google.fr).
- ↑ Georges Poull: Les Vosges. 1985, ISBN 978-2-402-24808-2 (französisch, google.fr): En 1942, Julien Méline et ses hommes mettent hors d'état de fonctionnement trente camions de la Wehrmacht.
- ↑ 4,0 4,1 André Moulin, Henri Moulin: Feuer. 1986, ISBN 978-2-402-08635-6 (französisch, google.fr).
- ↑ André Sester: Résistance et collaboration : aspects vosgiens. Éditions du Sapin d'or, Épinal 1976, OCLC 2493079, S. 153 (französisch, google.fr).