Friburger Gfängnis
| Dialäkt: Friburgerisch (eltere Stadtdialekt) |
| |
| Information | |
|---|---|
| Name | Justizvollzugsanstalt Freiburg |
| Bezugsjohr | 1878 |
| Mitarbeiter | circa 300 |
S Friburger Gfängnis (amtli Justizvollzugsanstalt Freiburg) isch e Gfängnis vum Land Bade-Wirtteberg in dr Stadt Friburg.
Gschicht un Gebei
ändereD Hauptaastalt isch anne 1878 fertiggstellt wore, s Gebei vu de Abteilung Tennenbacher Straße, wu denewe stoht, 1912/13. S Hauptgebei wird im Friburger Volksmund „Café Fimfeck“ gnennt wäg em Grundriss, wu fimf Fligel bstoht, wu alli in aim zentrale Punkt zämmelaufe (Panopticon-Prinzip, Pennsylvanische Stil).[1]
Zueständigkeit
ändere.jpg)
Z Friburg sin uusschließli Manne unterbocht, vor allem sonig, wu e lengeri Haftstrof (ibers 1 Johr un 3 Monet) mien bieße. Die stamme in de Regle us dr Landgrichtsbezirk Friburg, Bade-Bade, Offeburg, Konschtanz un Waldshuet-Düenge. Dezue het s z Friburg Untersuechigshäftling v. a. us de Amtsgrichtsbezirk Brisach, Emmedinge, Ettene, Friburg, Kenzinge, Mille, Staufe, Ditisee-Neistadt un Waldkilch. Us de nämlige Amtsgrichtsbezirk stamme in de Regle sälli Insasse, wu nit weg ere Stroftat inhaftiert sin, sunder us zivilrechtlge Grind (zum Bischpil Beigehaft).
D JVA Friburg isch fir ganz Bade-Wirtteberg di zentral Aastalt fir d Sicherigsverwohrig vu männlige Täter.
Ussestelle
ändereS ehmolig Grichtsgfängnis z Emmedinge fungiert as Ussestell vu de JVA Friburg. Do sind die Häftling unterbrocht, wu im Uffige Vollzug sin. Bim Amtsgricht Friburg un z Denzlinge/ Stockehef git s no me Ussestelle.[2]
Bedreiig
änderePsychologe un Sozialarbaiter stehn fir Bedreiigs- un Bhandligszweck z Verfiegig. S git Einzel- un Gruppeveraastaltige. Au externi Aasprechpartner hän Sorg zue de Gfangene, zem Bischpil fir e Suchtberotig, fir d Entlossigsvorberaitig, fir di allgmein Seelsorg, fir d Schuldnerberotig oder fir d Berotig vu HIV-infizierte Insasse.
Freizitt
ändereIn ihre Freizitt kenne di Inhaftierte verschidene Aktivitäte noogoh, zum Bischpil Theatergruppe, Musik, Sport oder e Gfangenezittig. Si git au religiese Aagebot un Sproch- un Computerkurs.
Arbet un Furtbildig
ändereFir d Inhaftierte git s ca. 450 Arbets- un Uusbildigsplätz. Newe de Bedrib vu de Aastalt bietet s Bil-dungszentrum 100 Uusbildigsplätz. Typischi Uusbildigsberuef sin sonigi us de Holz-, Textil- un Metallverarbaitig, aber au us em Berich Gebeirainigung oder Gaschtronomi.
In de JVA kenne newem Hauptschuelabschluss (ditsch un italienisch) au de Realschuelabschluss un d FH-Rifi erworbe were. S Bildungszentrum isch dezue Ussestell vum Fernstudienzentrum Karlsruhe. E baar Gfangei studiere au an de Fernuniversität in Hagen, anne 2010 sin s 18 gsii.[3] 40 Freigänger schaffe bi externe Bedrib in de Umgewig. S VAW Bade-Wirtteberg het in de JVA e Niderlossig.
Laitbild
ändereS Laitbild vu de JVA Friburg beziet si uf drei Ziilgruppe, nämli di Gfangene, d Mitarbaiter un d Gsellschaft.[4]
Literatur
ändere- Werner Eckstein: Erwartungen zweier HIV+-Häftlinge im geschlossenen Strafvollzug an einen Seelsorger. Eine qualitative Untersuchung an der Justizvollzugsanstalt Freiburg. 2 Bände. Freiburg (Breisgau) 1994 (Freiburg (Breisgau), Univ., Dipl.-Arbeit, 1994).
Fueßnote
ändere- ↑ http://www.jva-freiburg.de/servlet/PB/menu/1157486/index.html?ROOT=1157448
- ↑ http://www.jva-freiburg.de/servlet/PB/menu/1157480/index.html?ROOT=1157448
- ↑ Anja Bochtler: Freiburg: Bildung: JVA Freiburg: Straftäter drücken die Schulbank, Badische Zeitung, 16. September 2010
- ↑ Leitbild der JVA Freiburg
Weblink
ändere
Die Grossh. Central-Strafanstalt, Freiburg im Breisgau. Die Stadt und ihre Bauten, 1898 im dütschsprochige Wikisource
Koordinate: 48° 0′ 13″ N, 7° 51′ 2,4″ O
|
Dä Artikel basiert uff ere fräie Übersetzig vu dere Version vum Artikel „Justizvollzugsanstalt_Freiburg“ vu de dütsche Wikipedia. E Liste vu de Autore un Versione isch do z finde. |