Karin Heberlein
D Karin Heberlein (* z Baasel) isch e Schwyzer Reschiseeri un Draibuechautoori.[1]
Lääbe ändere
D Heberlein isch z Baasel uf d Wält chuu un z Züri ufgwagse. Si het an dr Central School of Speech and Drama z London Schauspiil studiert. Noch em Abschluss het si as Schauspiileri un as Theaterreschiseeri un -autoori an verschiidene Theater z Ängland un z Schottland gschafft.
2012/13 isch si Stipändiaati an dr 24. Draibuechwäärchstatt vu dr Hoochschuel fir Fäärnsee un Film (HFF) z Minche gsii. Syterhäär schafft si as freii Draibuechautoori un Reschiseeri un entwicklet Film un Seerine in dr Schwyz un z Dytschland.
Anne 2019 het d Karin Heberlein ire eerscht Langspiilfilm «Sami, Joe und ich» drait.[2] Dr Film handlet vu dr Fryndschaft un Solidariteet vu drei junge Fraue in eme Ussequartier z Züri. Dr Film het am Zurich Film Festival 2020 Wältpremiere gfyyrt un dr Publikumsbryys un au dr ekumeenisch Filmbryys gwunne.[3][4][5]
D Heberlein isch Mitgliid vu dr European Film Academy un vum Reschy- un Draibuechverband Schwyz ARF/FDS. 2022 isch si Dail vu dr Publikazioon «Filmstern für DiCH», eme Portrait iber Schwyzer Reschiseerene.
Uusglääseni Filmografy ändere
- 2011: Linus trifft Marius und die Jagdkapelle (Chuurzfilm)[6]
- 2012: Spring (Chuurzfilm, Dok)
- 2015: Lenard, Monti und die Musik (Chuurzfilm)[7]
- 2017: The Barrel (Chuurzfilm, Dok)
- 2020: Ich bin Ted Scapa (Chuurzfilm, Dok)[8]
- 2020: Sami, Joe und ich (Kinofilm)[9][10]
- 2023: Tatort: Seilschaft
- 2023: Tatort: Blinder Fleck
- 2023: Einfach Nina (Fäärnseefilm)
Fueßnote ändere
- ↑ Karin Heberlein | PageMagnet. 30. Oktober 2013, abgruefen am 11. Mai 2021 (de-DE).
- ↑ Cinergy AG: Sami, Joe und ich. Abgruefen am 11. Mai 2021.
- ↑ Filmpreis der Zürcher Kirchen geht an SAMI, JOE UND ICH. Abgruefen am 11. Mai 2021.
- ↑ Michael Rosser: Female directors dominate Zurich Film Festival awards. Abgruefen am 11. Mai 2021 (änglisch).
- ↑ Startseite. Abgruefen am 11. Mai 2021 (Schwiizer Hochtüütsch).
- ↑ Karin Heberlein. Abgruefen am 11. Mai 2021.
- ↑ SWISS FILMS: Linard, Monti und die Musik. Abgruefen am 11. Mai 2021.
- ↑ Ein Kinderfilm „Ich bin Ted“ | scapa. Abgruefen am 11. Mai 2021 (de-DE).
- ↑ SWISS FILMS: Sami, Joe und Ich. Abgruefen am 11. Mai 2021.
- ↑ Max Ophüls Preis: SR Talk: Sami, Joe und ich | ARD-Mediathek. Abgruefen am 11. Mai 2021.